Advertisement
ನಗರಾಭಿವೃದ್ಧಿಯಲ್ಲಿ ಹೆಚ್ಚು ಸ್ಥಳಾವಕಾಶವನ್ನು ತಿಂದು ಬಿಡುವುದು ಫ್ಲೈಓವರ್ಗಳು ಅಥವಾ ಮೆಟ್ರೋ ಮಾರ್ಗಗಳು. ಇಂಥ ಸ್ಥಳಗಳು ನಮಗೆ ಸಾಕಷ್ಟು ಕಡೆ ಕಾಣಸಿಗುತ್ತವೆ. ಈ ರೀತಿಯ ವಲಯಗಳನ್ನು ಗುರುತಿಸಿ ನಗರ ಸೌಂದರ್ಯವನ್ನು ಬೆಳೆಸುವ ಕರ್ತವ್ಯ ಪ್ರತಿಯೊಬ್ಬರದ್ದೂ ಆಗಿದೆ. ಅಂಡರ್ ಪಾಸ್, ಫ್ಲೈಓವರ್ಗಳ ವ್ಯರ್ಥ ಜಾಗಗಳು ವಿದೇಶಗಳಲ್ಲೆಲ್ಲ ಹೇಗೆ ಸದ್ಬಳಕೆಯಾಗಿವೆ ಎಂದು ನೋಡಲು ಹೊರಟಾಗ ಕಾಣಸಿಕ್ಕಿದ್ದು ಅನೇಕ ಕುತೂಹಲಕಾರಿ ಅಂಶಗಳು.
ರಿಮೇಕ್ ಅಂಡರ್ ಪಾಸ್ಗಳ ಸ್ಥಳಗಳು ವಿದೇಶಗಳಲ್ಲಿ ಯೋಜಿತವಾಗಿ ಕಾರ್ಯರೂಪಕ್ಕೆ ತಂದಿದ್ದಾರೆ. ಇಲ್ಲಿನ ಫ್ಲೈಓವರ್, ಅಂಡರ್ ಪಾಸ್ಗಳಾಗಿ ಉಳಿಯದೆ ಜನರ ಆಕರ್ಷಣೆಯ ಕೇಂದ್ರ ಬಿಂದುವಾಗಿದೆ. ನನೆಗುದಿಗೆ ಬಿದ್ದಿರುವ ಅಂಡರ್ ಪಾಸ್ಗಳಲ್ಲಿ ಸೈಕಲ್ ದಾರಿಗಳು ನಿರ್ಮಾಣವಾಗಿವೆ. ತುಂಬಾ ಉದ್ದವಿರುವಂತಹ ಅಂಡರ್ ಪಾಸ್ಗಳಲ್ಲಿ ನಗರದ ಸುತ್ತಮುತ್ತ ಇರುವ ನಾಗರಿಕರು ಸೇರಿ ತಮಗೆ ಬೇಕಾದ ಪುಟ್ಟ ಕಾರ್ಯಕ್ರಮವನ್ನು ಆಯೋಜಿಸುತ್ತಿದ್ದಾರೆ. ಇನ್ನು ಕೆಲವು ಕಡೆ ವಿದ್ಯುತ್ ದೀಪಗಳಿಂದ ನಗರದ ಸೌಂದರ್ಯಕ್ಕೆ ಇನ್ನಷ್ಟು ಮೆರುಗು ನೀಡುತ್ತಿವೆ. ಕಾಂಕ್ರೀಟ್ ಕಂಬಗಳಿಗೆ ಚಿತ್ತಾರಗಳನ್ನು ಬರೆದು ಆಕರ್ಷಣೀಯಗೊಳಿಸಲಾಗಿದೆ. ಅಡ್ಡಾದಿಡ್ಡಿ, ಸರಿಯಾಗಿ ಕ್ರಮದಲ್ಲಿ ಇಲ್ಲದ ಅಂಡರ್ಪಾಸ್ ಗಳಲ್ಲಿ ಹೊಸ ವಿನ್ಯಾಸದ ಪಾದಚಾರಿ ರಸ್ತೆಗಳು ಮೂಡಿ ಬರುತ್ತವೆ. ಹೀಗೆ ಅಂಡರ್ ಪಾಸ್ಗಳು ಜನರ ಪಾರ್ಕ್ ಗಳಾಗಿ, ಮನೋರಂಜನ ಕಾರ್ಯಕ್ರಮಗಳಿಗಾಗಿ, ವಾಹನ ಪಾರ್ಕಿಂಗ್ಗಾಗಿ,ಕಲೆಯ ವೇದಿಕೆಯಾಗಿ ಬಳಸುವ ವಿದೇಶಿಗರ ಈ ಜಾಣತನ ನಮ್ಮಲ್ಲೂ ಅಳವಡಿಕೆಯಾಗಬೇಕಿದೆ.
Related Articles
ವಿದೇಶದಲ್ಲಿ ಅಳವಡಿಕೆಯಾದ ಈ ಪದ್ಧತಿ ಕೆಲವೊಂದನ್ನು ನಮ್ಮ ಸಂಘ ಸಂಸ್ಥೆಗಳು ಮಾಡಿವೆ. ಆದರೆ ಇನ್ನೂ ಹೊಸತನವನ್ನು ಇದರಲ್ಲಿ ತರಬೇಕಿದೆ. ಮಂಗಳೂರು ಭಾಗದಲ್ಲಿ, ಹೊರವಲಯದಲ್ಲಿ ಈಗ ಇರುವ ಮತ್ತು ಮುಂದೆ ನಿರ್ಮಾಣವಾಗಲಿರುವ ಅಂಡರ್ಪಾಸ್, ಫ್ಲೈ ಓವರ್ಗಳನ್ನು ಆಕರ್ಷಣೀಯಗೊಳಿಸಲು ಈ ಕ್ರಮಗಳನ್ನು ಅನುಸರಿಸಿದರೆ ನಮ್ಮ ಮಂಗಳೂರು ಸ್ವಚ್ಛ, ಸುಂದರ ನಗರವಾಗುವದರಲ್ಲಿ ಸಂದೇಹವಿಲ್ಲ.
Advertisement
ವಿಶ್ವಾಸ್ ಅಡ್ಯಾರ್