ಜಗನ್‌ ಸಹೋದರಿಯಿಂದ ಹೊಸ ಪಕ್ಷ

ಹೈದರಾಬಾದ್‌: ಆಂಧ್ರಪ್ರದೇಶ ಮುಖ್ಯಮಂತ್ರಿ ಜಗನ್‌ ಮೋಹನ್‌ ರೆಡ್ಡಿ ಅವರ ಸಹೋದರಿ ವೈ.ಎಸ್‌. ಶರ್ಮಿಳಾ, ತೆಲಂಗಾಣದಲ್ಲಿ ಹೊಸ ಪಕ್ಷ ಸ್ಥಾಪಿಸಿದ್ದಾರೆ.

ಅದಕ್ಕೆ “ವೈಎಸ್‌ಆರ್‌ ತೆಲಂಗಾಣ ಪಾರ್ಟಿ’ ಎಂದು ನಾಮಕರಣ ಮಾಡಲಾಗಿದೆ. ಹೈದರಾಬಾದ್‌ನಲ್ಲಿ ಗುರುವಾರ ಪಕ್ಷದ ಧ್ಯೇಯೋದ್ದೇಶಗಳ ಕೈಪಿಡಿ ಹಾಗೂ ಬಾವುಟವನ್ನು ಅನಾವರಣಗೊಳಿಸಿದ ಅವರು, ತಮ್ಮ ತಂದೆ ದಿ| ವೈ.ಎಸ್‌. ರಾಜಶೇಖರ ರೆಡ್ಡಿ ಕನಸಿನಂತೆ ತೆಲಂಗಾಣವನ್ನು “ರಾಜಣ್ಣ ರಾಜ್ಯಂ’ ಎಂಬ ಪರಿಕಲ್ಪನೆಯಡಿ ಅಭಿವೃದ್ಧಿಗೊಳಿಸಲಾಗುತ್ತದೆ.

ತೆಲಂಗಾಣ ಜನರ ಅಭಿವೃದ್ಧಿ, ಸ್ವಾವಲಂಬನೆ ಹಾಗೂ ಗುಣಮಟ್ಟದ ಜೀವನಕ್ಕಾಗಿ ಶ್ರಮಿಸಲಿದೆ. ಪಕ್ಷ ಸ್ಥಾಪಿಸಿದ 100ನೇ ದಿನದಂದು ಇಡೀ ತೆಲಂಗಾಣದ ಉದ್ದಗಲಕ್ಕೂ ಪಾದಯಾತ್ರೆ ಮಾಡುವ ಮೂಲಕ ಪಕ್ಷವನ್ನು ಬಲಪಡಿಸಲಾಗುತ್ತದೆ ಎಂದಿದ್ದಾರೆ.