DMK ನಾಶವೇ ಹೊಸ ಪಕ್ಷದ ಉದ್ದೇಶ: ವಿಜಯ್‌ ವಿರುದ್ಧ ಸ್ಟಾಲಿನ್‌ ಕಿಡಿ

ಚೆನ್ನೈ: “ಯಾರೇ ಹೊಸ ಪಕ್ಷ ಸ್ಥಾಪಿಸಿದರೂ ಅವರು ಡಿಎಂಕೆ ನಾಶಗೊಳಿಸಲು ಬಯಸುತ್ತಾರೆ. ಏಕೆಂದರೆ ಅವರು ಡಿಎಂಕೆ ಬೆಳವಣಿಗೆ ಸಹಿಸಲ್ಲ. ಆದರೆ ನಾನು ಒಂದು ಹೇಳಬಹುದು. ನಮ್ಮನ್ನು ಗದರಿಸುವವರು ಚಿರಾಯುವಾಗಲಿ’ ಎನ್ನುವ ಮೂಲಕ ತಮಿಳ್ನಾಡು ಸಿಎಂ ಎಂ.ಕೆ.ಸ್ಟಾಲಿನ್‌ ಅವರು ದಳಪತಿ ವಿಜಯ್‌ಗೆ ಪರೋಕ್ಷ ತಿರುಗೇಟು ನೀಡಿದ್ದಾರೆ. ವಿಜಯ್‌ ನೇತೃತ್ವದ ಟಿವಿಕೆ ರಾಜ್ಯ ಸರಕಾರವನ್ನು ತರಾಟೆಗೆ ತೆಗೆದುಕೊಂಡ ಬೆನ್ನಲ್ಲೇ ಸ್ಟಾಲಿನ್‌ರಿಂದ ಈ ಹೇಳಿಕೆ ಹೊರಬಿದ್ದಿದೆ. ಈ ಸರಕಾರದ ಸಾಧನೆ ಬಗ್ಗೆ ಅವರು ಚಿಂತನೆ ನಡೆಸಲಿ. ಇಂತಹ ಸಂಗತಿಗಳ ಬಗ್ಗೆ ನಾನು ಆತಂಕಿತನಾಗಿಲ್ಲ. ಜನರ ಒಳಿತಷ್ಟೇ ನಮ್ಮ ಉದ್ದೇಶ ಎಂದಿದ್ದಾರೆ.