TVK Party: ವಿಜಯ್‌ ಪಕ್ಷದ ಸಿದ್ಧಾಂತಗಳು ನಕಲು: ಡಿಎಂಕೆ, ಎಐಡಿಎಂಕೆ

ಚೆನ್ನೈ: 2026ರಲ್ಲಿ ನಡೆಯುವ ತಮಿಳುನಾಡು ವಿಧಾನಸಭೆ ಚುನಾವಣೆ ಮೇಲೆ ಕಣ್ಣಿಟ್ಟಿರುವ ನಟ ವಿಜಯ್‌ ಅವರ ತಮಿಳಗ ವೆಟ್ರಿ ಕಳಗಂ(ಟಿವಿಕೆ) ಪಕ್ಷದ ಸಿದ್ಧಾಂತಗಳು ನಕಲಿ ಎಂದು ಡಿಎಂಕೆ ಹಾಗೂ ಎಐಡಿಎಂಕೆ ಪಕ್ಷಗಳು ಲೇವಡಿ ಮಾಡಿವೆ. ನಮ್ಮ ಪಕ್ಷದ ಸಿದ್ಧಾಂತಗಳನ್ನು ನಕಲು ಮಾಡಲಾಗಿದೆ ಎಂದು ಡಿಎಂಕೆ ಹೇಳಿದರೆ, ಹೊಸ ಬಾಟಲಿಯಲ್ಲಿ ಹಳೇ ವೈನ್‌ ಎಂದು ಎಐಡಿಎಂಕೆ ಹೇಳಿದೆ.

ಈ ಬಗ್ಗೆ ಮಾತನಾಡಿರುವ ಡಿಎಂಕೆ ನಾಯಕ, ಇ.ವಿ.ಕೆ.ಎಸ್‌.ಇಳಂಗೋವನ್‌, “ನಮ್ಮ ಪಕ್ಷದ ನೀತಿಗಳನ್ನು ನಕಲು ಮಾಡಿ ವಿಜಯ್‌ ಹೊಸದಾಗಿ ಘೋಷಣೆ ಮಾಡಿದ್ದಾರೆ. ಅವರು (ವಿಜಯ್‌) ಏನು ಹೇಳುತ್ತಿದ್ದಾರೋ; ಅದನ್ನು ನಾವು ಈಗಾಗಲೇ ಹೇಳಿದ್ದೇವೆ. ವಿಜಯ್‌ ಪಕ್ಷ ಅಧಿಕಾರಕ್ಕೆ ಹಾತೊರೆಯುತ್ತಿದೆ’ ಎಂದಿದ್ದಾರೆ. “ನಾವು ಜನರಿಗೋಸ್ಕರ ಕೆಲಸ ಮಾಡುತ್ತೇವೆ. ಟಿವಿಕೆ ಮತ್ತು ಡಿಎಂಕೆಗಿಂತ ನಾವು ಬಲಿಷ್ಠರಾಗಿದ್ದೇವೆ. ಟಿವಿಕೆ ಸಿದ್ಧಾಂತ ತಮಿಳುನಾಡಿನ ಎಲ್ಲಾ ಪಕ್ಷಗಳಿಂದ ತೆಗೆದುಕೊಂಡ ಕಾಕ್‌ಟೈಲ್‌’ ಎಂದು ಎಐಡಿಎಂಕೆ ವಕ್ತಾರ ಕೋವೈ ಸತ್ಯನ್‌ ಹೇಳಿದ್ದಾರೆ.