ನವ ಜೋಡಿಗಳ ಮತದಾನ

ಕಲಬುರಗಿ: ಚಿಂಚೋಳಿ ವಿಧಾನಸಭಾ ಕ್ಷೇತ್ರದ ಉಪಚುನಾವಣೆಯಲ್ಲಿ ಭಾನುವಾರ ಮೂವರು ನವವಿವಾಹಿತ ಜೋಡಿಗಳು ಮತದಾನ ಮಾಡುವ ಮೂಲಕ ಪ್ರಜಾಪ್ರಭುತ್ವದ ಹಬ್ಬದಲ್ಲಿ ಪಾಲ್ಗೊಂಡರು.

ರಟಕಲ್‌ ಗ್ರಾಮದ ಒಂದೇ ಕುಟುಂಬದ ನವ ದಂಪತಿ ರಾಮಶೆಟ್ಟಿ ಸೀಗಿ-ನಾಗವೇಣಿ ಮತ್ತು ವೀರಣ್ಣ ಸೀಗೆ-ಲಕ್ಷ್ಮಿ ಒಟ್ಟಾಗಿ ಬಂದು 2ನೇ ವಾರ್ಡ್‌ನ ಮತಗಟ್ಟೆಯಲ್ಲಿ ಮತದಾನದ ಹಕ್ಕು ಚಲಾಯಿಸಿದರು.

ಚಿಮ್ಮಾಇದಲಾಯಿ ಗ್ರಾಮದಲ್ಲಿ ನವ ಜೋಡಿ ವೀರೇಶ ಧೂಳಪ್ಪನವರ ಮತ್ತು ಸ್ವಪ್ನಾ ಅವರು ಗ್ರಾಮದ ಸರ್ಕಾರಿ ಶಾಲೆಯಲ್ಲಿ ಸ್ಥಾಪಿಸಲಾದ ಮತಗಟ್ಟೆಯಲ್ಲಿ ಮತದಾನ ಮಾಡಿದರು.