ಅತ್ಯಾಚಾರದ ಸುತ್ತ ಮತ್ತೂಂದು ಸಿನಿಮಾ

ಕನ್ನಡದಲ್ಲಿ ಈಗಾಗಲೇ ಮಹಿಳೆಯರ ಮೇಲಿನ ಅತ್ಯಾಚಾರಕ್ಕೆ ಸಂಬಂಧಿಸಿದಂತೆ ಹಲವು ಚಿತ್ರಗಳು ಬಂದಿವೆ.ಕೆಲವು ಚಿತ್ರೀಕರಣ ದಲ್ಲಿದ್ದರೆ, ಇನ್ನೂ ಕೆಲವು ಶುರುವಿಗೆ ಸಜ್ಜಾಗು ತ್ತಿವೆ. ಈಗ ಆ ಸಾಲಿಗೆ “ನಕ್ಷೆ ‘ಎಂಬ ಹೊಸಬರ ಸಿನಿಮಾ ಕೂಡ ಅದೇ ಸಾಲಿಗೆ ಸೇರಿದ ಸಿನಿಮಾ ಆಗಿದ್ದು, ಇಷ್ಟರಲ್ಲೇ ಚಿತ್ರೀಕರಣ ಮುಗಿಸಿ, ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗುತ್ತಿದೆ.

ಹೌದು, ಬಹುತೇಕಹೊಸಬರೇ ಸೇರಿ ಮಾಡಿರುವ “ನಕ್ಷೆ ‘ಚಿತ್ರ ಈಗಾಗಲೇ ಶೇ.40 ರಷ್ಟು ಚಿತ್ರೀಕರಣ ಮುಗಿಸಿದೆ. ಈ ಚಿತ್ರವನ್ನು ಮಧು ಎಂಬ ಹೊಸ ಪ್ರತಿಭೆ ನಿರ್ದೇಶನ ಮಾಡಿದೆ. ಶಿವಪ್ರಕಾಶ್‌ ಎಂಬುವವರು ನಿರ್ಮಾಣದ ಜವಾಬ್ದಾರಿ ಹೊತ್ತಿದ್ದಾರೆ. ಇವರಿಗೂ ಇದು ಮೊದಲ ಚಿತ್ರ. ಇದೊಂದು ಮಹಿಳಾ ಪ್ರಧಾನ ಕಥೆ ಆಗಿದ್ದು, ಅತ್ಯಾಚಾರಕ್ಕೆ ಸಂಬಂಧಿಸಿದ ವಿಷಯ ಚಿತ್ರದ ಹೈಲೈಟ್‌. ದೇಶದಲ್ಲಿ ಅತ್ಯಾಚಾರಗಳ ಸಂಖ್ಯೆ ಸಾಕಷ್ಟು ಇದೆ. ಅವುಗಳನ್ನು ಆಧರಿಸಿ ಅನೇಕ ಸಿನಿಮಾಗಳೂ ಕೂಡ ಮೂಡಿ ಬಂದಿವೆ.

ಅದರಂತೆ “ನಕ್ಷೆ ‘ಚಿತ್ರದ ಕಥೆಕೂಡ ಅತ್ಯಾಚಾರಕ್ಕೆ ಸಂಬಂಧಿಸಿದ್ದೇ ಆಗಿದೆ. ಈಗಾಗಲೇ ಸದ್ದಿಲ್ಲದೆಯೇ ಈ ಚಿತ್ರದ ಚಿತ್ರೀಕರಣ ಶುರುವಾಗಿದ್ದು, ಶೇ.40 ರಷ್ಟುಮುಗಿದಿದೆ. ಸದ್ಯಕ್ಕೆ ಕೋವಿಡ್ 19 ಎಫೆಕ್ಟ್ ಹಿನ್ನೆಲೆಯಲ್ಲಿ ಚಿತ್ರೀಕರಣವನ್ನು ಸ್ಥಗಿತ ಗೊಳಿಸಲಾಗಿದೆ.ಕೊರೊನಾ ತಣ್ಣಗಾದ ಬಳಿಕ ಪುನಃ “ನಕ್ಷೆ ‘ಚಿತ್ರಕ್ಕೆ ಚಿತ್ರೀಕರಣ ಶುರುವಾಗಲಿದೆ. ಅಂದ ಹಾಗೆ, ಈ ಚಿತ್ರದಲ್ಲಿ ಖುಷಿ ನಾಯಕಿಯಾಗಿದ್ದಾರೆ. ಅಪ್ಪಟ ಕನ್ನಡತಿಯಾಗಿರುವ ಖುಷಿ ಅವರಿಗೆ ಇದು ಎರಡನೇ ಸಿನಿಮಾ. ಈ ಚಿತ್ರಕ್ಕೆ ಮಹೇಶ್‌ ಎಂಬುವವರ ಛಾಯಾಗ್ರಹಣ ಮಾಡಿದರೆ, ಪೂರ್ಣಚಂದ್ರತೇಜಸ್ವಿ ಅವರು ಸಂಗೀತ ನೀಡುತ್ತಿದ್ದಾರೆ. ­