Advertisement
ಈ ಮೂರನೇ ಕೆಟಗರಿಯವರ ಸಮಸ್ಯೆಯೆಂದರೆ, ಅವರು ಗ್ಯಾಜೆಟ್ ವಿಷಯದಲ್ಲಿ ಅಷ್ಟೊಂದು ತಿಳಿದವರಲ್ಲ. ಫೋನ್‌ ನಲ್ಲಿ ವಾಟ್ಸಾéಪ್‌ ಕಳುಹಿಸುವುದು, ಫೇಸ್‌ ಬುಕ್‌ ನೋಡುವುದು, ಯಾವುದಕ್ಕಾ ದರೂ ಕಮೆಂಟ್‌ ಮಾಡುವುದು, ಇಲ್ಲವೇ ಅಪರೂಪಕ್ಕೆ ಫೋಟೋ ಇತ್ಯಾದಿ ಹಂಚಿಕೊಳ್ಳುವುದಷ್ಟೇ ಅವರಿಗೆ ಗೊತ್ತಿರುತ್ತದೆ. ಇಂಥವರು ಹೊಸದಾಗಿ ಸ್ಮಾರ್ಟ್‌ ಫೋನ್‌ ಕೊಂಡಾಗ, ಪರಿಚಯದ ಯುವಕರು ಫೇಸ್ಬುಕ್ ಅಕೌಂಟ್‌ ಮಾಡಿಕೊಟ್ಟಿರುತ್ತಾರೆ. ಅದರ ಇಮೇಲ್‌ ಐಡಿ, ಪಾಸ್‌ವರ್ಡನ್ನು ಆಗಲೇ ಸೃಷ್ಟಿಸಿರುತ್ತಾರೆ. ಮೊಬೈಲ್‌ ಫೋನಿನಲ್ಲಿ ಪದೇಪದೆ ಯೂಸರ್‌ ಐಡಿ, ಪಾಸ್ವರ್ಡ್ ಕೇಳದಿರುವುದರಿಂದ, ಆ ಫೇಸ್ಬುಕ್ ಅಕೌಂಟು ಅಬಾಧಿತವಾಗಿ ನಡೆದುಕೊಂಡು ಹೋಗುತ್ತಿರುತ್ತದೆ!.
Related Articles
Advertisement
ಇದಕ್ಕೇನು ಪರಿಹಾರ? :
- ನೀವು ಫೇಸ್ಬುಕ್ ಅಕೌಂಟ್‌ ತೆರೆಯುವಾಗ ನಿಮ್ಮ ಇಮೇಲ್‌ ಐಡಿ ಅಥವಾ ಮೊಬೈಲ್‌ ಸಂಖ್ಯೆ ಕೇಳುತ್ತದೆ. ಆ ಇಮೇಲ್‌ ಐಡಿ ಅಥವಾ ಮೊಬೈಲ್‌ ಸಂಖ್ಯೆಯನ್ನು ಯೂಸರ್‌ ಐಡಿ ಎಂದು ಒಂದು ಡೈರಿಯಲ್ಲಿ ಬರೆದಿಟ್ಟುಕೊಳ್ಳಿ. ಅದಕ್ಕೆ ನೀವು ನೀಡಿದ ಪಾಸ್ವರ್ಡ್ ಅನ್ನು ಸಹ ಅದರ ಕೆಳಗೇ ಬರೆದುಕೊಳ್ಳಿ. ಮನೆಯಲ್ಲಿ ನಿಮಗೆ ಗೊತ್ತಿರುವ ಜಾಗದಲ್ಲಿ ಅದನ್ನು ಎತ್ತಿಡಿ.
- ಪ್ರತಿ ಫೇಸ್ಬುಕ್ ಅಕೌಂಟ್‌ ಕ್ರಿಯೇಟ್‌ ಮಾಡಿದಾಗಲೂ, ಅದಕ್ಕೊಂದು ಮೊಬೈಲ್‌ ಸಂಖ್ಯೆ ಸೇರಿಸುವ ಆಯ್ಕೆ ಕೇಳುತ್ತದೆ. ಅಥವಾ ಈಗಾಗಲೇ ಅಕೌಂಟ್‌ ಇದ್ದರೆ, ಸೆಟಿಂಗ್ಸ್‌ಗೆ ಹೋಗಿ, ನಂತರ ಅಕೌಂಟ್‌ ಸೆಟಿಂಗ್ಸ್‌, ಅದರಲ್ಲಿ ಪರ್ಸನಲ್‌ ಇನಾರ್ಮೇಶನ್‌, ಅದರಲ್ಲಿ ಕಾಂಟ್ಯಾಕ್ಟ್ ಇನ್‌ಫೋ ಇರುತ್ತದೆ. ಅಲ್ಲಿ ನಿಮ್ಮ ಫೋನ್‌ ನಂ. ಸೇರಿಸಿ, ಆ ನಂಬರನ್ನು ಯಾರು ನೋಡಬಹುದು ಎಂಬ ಆಯ್ಕೆಯೂ ಇರುತ್ತದೆ. ನಿಮಗೆ ಇಷ್ಟ ಇದ್ದರೆ, ಪಬ್ಲಿಕ್‌, ಫ್ರೆಂಡ್ಸ್‌ ಆಯ್ಕೆ ಕೊಡಬಹುದು. ಇಲ್ಲವಾದರೆ “ಓನ್ಲಿ ಮಿ’ ಆಯ್ಕೆ ಮಾಡಿ. ಈಗ ನಿಮ್ಮ ಫೇಸ್‌ಬುಕ್‌ನಲ್ಲಿ ನಿಮ್ಮ ಮೊಬೈಲ್‌ ನಂ. ಸೇರಿತು.
- ಮುಂದೆ ನಿಮ್ಮ ಹೊಸ ಫೋನಿಗೆ ನಿಮ್ಮ ಫೇಸುºಕ್‌ ಅಕೌಂಟ್‌ ಸೇರಿಸಬೇಕಾದಾಗ, ನಿಮಗೀಗ ಎರಡು ಆಯ್ಕೆ ಲಭ್ಯ. ನಿಮ್ಮ ಇಮೇಲ್‌ ಐಡಿ ಟೈಪ್‌ ಮಾಡಿ ಪಾಸ್ವರ್ಡ್ ಕೊಡಬಹುದು. ಪಾಸ್ವರ್ಡ್ ಮರೆತರೆ, ಫ‌ರ್‌ಗಾಟ್‌ ಪಾಸ್ವರ್ಡ್ ಆಯ್ಕೆ ಒತ್ತಿದರೆ, ನಿಮ್ಮ ಮೊಬೈಲ್‌ ಸಂಖ್ಯೆ ಕೇಳುತ್ತದೆ. ಅದನ್ನು ಹಾಕಿದರೆ, ಆ ಸಂಖ್ಯೆಗೆ ಓಟಿಪಿ ಬರುತ್ತದೆ. ಮತ್ತೆ ಹೊಸ ಪಾಸ್ವರ್ಡ್ ಸೇರಿಸಬಹುದು.