ಹೊಸದಿಲ್ಲಿ: 833 ಡೆಂಗ್ಯೂ ಪ್ರಕರಣ

ಹೊಸದಿಲ್ಲಿ: ಈ ವರ್ಷ ರಾಷ್ಟ್ರ ರಾಜಧಾನಿ ದಿಲ್ಲಿಯಲ್ಲಿ 833 ಡೆಂಗ್ಯೂ ಪ್ರಕರಣಗಳು ಪತ್ತೆಯಾಗಿದೆ. ಅವುಗಳ ಪೈಕಿ ಕಳೆದ ವಾರ 189 ಪ್ರಕರಣಗಳು ದಾಖಲಾಗಿದೆ ಎಂದು ದಿಲ್ಲಿ ಮಹಾನಗರ ಪಾಲಿಕೆ ವರದಿಯಲ್ಲಿ ತಿಳಿಸಿದೆ. ಅಕ್ಟೋಬರ್‌ 26ರ ತನಕ 574 ಮಲೇರಿಯಾ ಪ್ರಕರಣಗಳು ಪತ್ತೆಯಾಗಿದೆ.

ಅಕ್ಟೋಬರ್‌ 19ರ ತನಕ 644 ಡೆಂಗ್ಯೂ ಪ್ರಕರಣಗಳು ಪತ್ತೆಯಾಗಿದ್ದು, ಬಳಿಕ 189 ಪ್ರಕರಣಗಳು ಕಳೆದ ವಾರ ದಾಖಲಾಗಿದೆ. ಪರಿಣಾಮವಾಗಿ ಈ ವರ್ಷ 833 ಪ್ರಕರಣಗಳನ್ನು ಕಂಡಂತಾಗಿದೆ. ಒಟ್ಟು 833 ಡೆಂಗ್ಯೂ ಪ್ರಕರಣಗಳಲ್ಲಿ 551 ಅಕ್ಟೋಬರ್‌, 190 ಸೆಪ್ಟಂಬರ್‌, 52 ಅಗಸ್ಟ್‌, 18 ಜುಲೈ 11 ಪ್ರಕರಣಗಳು ಜೂನ್‌ ತಿಂಗಳಲ್ಲಿ ಕಂಡುಬಂದಿದೆ. ಉಳಿದ ಪ್ರಕರಣಗಳು ಜನವರಿ-ಮೇ ತಿಂಗಳಲ್ಲಿ ದಾಖಲಾಗಿದೆ. ಕಳೆದ ವರ್ಷ ದಿಲ್ಲಿಯಲ್ಲಿ 2,798 ಡೆಂಗ್ಯೂ ಪ್ರಕರಣಗಳು ದಾಖಲಾಗಿದ್ದು, 4 ಸಾವು ಸಂಭವಿಸಿತ್ತು.

56 ಮಲೇರಿಯಾ ಪ್ರಕರಣಗಳು ಅಗಸ್ಟ್‌ ತಿಂಗಳಲ್ಲಿ ದಾಖಲಾಗಿವೆ. ಜುಲೈನಲ್ಲಿ 54, ಜೂನ್‌ 35, ಮೇ ತಿಂಗಳಲ್ಲಿ 8 ಮತ್ತು ಅಗಸ್ಟ್‌ ತಿಂಗಳಲ್ಲಿ ಒಂದು ಪ್ರಕರಣಗಳು ದಾಖಲಾಗಿವೆ.