ಬೆಳಗಾವಿಯಲ್ಲಿ ಎರಡನೇ ದಿನವೂ 500ರ ಗಡಿ ದಾಟಿದ ಪಾಸಿಟಿವ್ ಪ್ರಕರಣ

ಬೆಳಗಾವಿ: ಜಿಲ್ಲೆಯಲ್ಲಿ ಸತತ ಎರಡನೇ ದಿನವೂ ಕೋವಿಡ್ ಸೋಂಕಿತರ ಸಂಖ್ಯೆ 500ರ ಗಡಿ ದಾಟಿದ್ದು, ಒಟ್ಟು 514 ಮಂದಿಗೆ ಸೋಂಕು ತಗುಲಿದ ವರದಿಯಾಗಿದೆ.

ಸೋಂಕಿತರ ಸಂಖ್ಯೆ ಹೆಚ್ಚಳವಾಗುತ್ತಿರುವುದರಿಂದ ಜಿಲ್ಲೆಯಲ್ಲಿ ಆತಂಕ ಹೆಚ್ಚಾಗಿದ್ದು, ಪಾಸಿಟಿವ್ ಪ್ರಕರಣಗಳು ಹೆಚ್ಚಿನ ಪ್ರಮಾಣದಲ್ಲಿ ವರದಿ ಆಗುತ್ತಿವೆ. ಗುರುವಾರವೂ 500ಕ್ಕಿಂತಲೂ ಹೆಚ್ಚು ಜನರಿಗೆ ಸೋಂಕು ತಗುಲಿತ್ತು.‌ ಶುಕ್ರವಾರವೂ ಹೆಚ್ಚು ಪಾಸಿಟಿವ್ ವರದಿ ಬಂದಿದ್ದರಿಂದ ಸಕ್ರಿಯ ಪ್ರಕರಣದಲ್ಲಿ ಏರಿಕೆ ಆಗಿದೆ.

ಬೆಳಗಾವಿ ನಗರದವೊಂದರಲ್ಲಿಯೇ ಶುಕ್ರವಾರ 273 ಮಂದಿಗೆ ಸೋಂಕು ತಗುಲಿದೆ. ಅಥಣಿ 28, ಬೈಲಹೊಂಗಲ 57, ಚಿಕ್ಕೋಡಿ 21, ಗೋಕಾಕ 40, ಹುಕ್ಕೇರಿ 24, ಖಾನಾಪುರ 11,  ರಾಮದುರ್ಗ 10, ರಾಯಬಾಗ 15, ಸವದತ್ತಿ 23 ಸೇರಿ ಒಟ್ಟು 514 ಜನರಿಗೆ ಸೋಂಕು ತಗುಲಿದಂತಾಗಿದೆ.

ಜಿಲ್ಲೆಯಲ್ಲಿ ಈವರೆಗೆ 32495 ಜನರಿಗೆ ಸೋಂಕು ತಗುಲಿದಂತಾಗಿದೆ. ಈಗ 3054 ಸಕ್ರಿಯ ಪ್ರಕರಣಗಳು ಇವೆ. ಇನ್ನೂ 7558 ಜನರ ವರದಿ ಬರುವುದು ಬಾಕಿ ಇದೆ.