“ಲವ್ಲಿ’ ಎಂಬ ಸಿನಿಮಾವೊಂದು ಸದ್ದಿಲ್ಲದೇ ಚಿತ್ರೀಕರಣ ಮುಗಿಸಿ, ಈಗ ಟೀಸರ್‌ ಬಿಡುಗಡೆ ಮಾಡಿದೆ. ಔಟ್‌ ಅಂಡ್‌ ಔಟ್‌ ಆ್ಯಕ್ಷನ್‌ ಟೀಸರ್‌ ಎನಿಸಿಕೊಂಡಿರುವ ಈ ಟೀಸರ್‌ನಲ್ಲಿ ಪ್ರಸನ್ನ ಪುರಾಣಿಕ್‌ ನಾಯಕರಾಗಿ ಕಾಣಿಸಿಕೊಂಡಿದ್ದಾರೆ.
ನಿರ್ದೇಶನದ ಹೊಣೆಯನ್ನು ಅವರೇ ಹೊತ್ತುಕೊಂಡಿದ್ದಾರೆ. “ಶಿವಗುರು ಫಿಲಿಂ ಎಂಟರ್‌ಟೈನ್ಮೆಂಟ್‌’ ಸಂಸ್ಥೆಯು ನಿರ್ಮಾಣದ ಜವಾಬ್ದಾರಿಯನ್ನು ಹೊತ್ತುಕೊಂಡಿದೆ. ಚಿತ್ರದ ಮೂರು ಹಾಡುಗಳಿಗೆ ಪ್ರಸನ್ನ ಅವರೇ ಸಾಹಿತ್ಯ ಬರೆದಿದ್ದಾರೆ. ಚಿತ್ರದಲ್ಲಿ ಪಕ್ಕಾ ಲೋಕಲ್‌ ಹುಡುಗನ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.
ಇದನ್ನೂ ಓದಿ:ಪೋಸ್ಟರ್‌ನಲ್ಲಿ ಹಾಫ್ ಹೀರೋಯಿನ್‌: ಸ್ಯಾಂಡಲ್‌ವುಡ್‌ಗೆ ಮತ್ತೂಬ್ಬಳು ಮಲೆಯಾಳಿ ಚೆಲುವೆ
ಚಿತ್ರದಲ್ಲಿ ಪೋಷಕರ ಮಹತ್ವದ ಸಾರವನ್ನು ಹೇಳಲಾಗುತ್ತಿದೆ. ಪ್ರೀತಿ, ಕುಟುಂಬ ಇದರಲ್ಲಿ ಯಾವುದು ಮುಖ್ಯ ಎಂಬ ಅಂಶದ ಜೊತೆಗೆ ಹಾಸ್ಯ, ಸಾಹಸ ಹೀಗೆ ಎಲ್ಲಾ ತರಹದ ಪ್ಯಾಕೇಜ್‌ ಇರುವ ಸಿನಿಮಾ “ಲವ್ಲಿ’ ಎಂಬುದು ಚಿತ್ರತಂಡದ ಮಾತು.
ಚಿತ್ರದಲ್ಲಿ ಕಾಮಿಡಿ ಕಿಲಾಡಿಗಳು ಖ್ಯಾತಿಯ ಸೂರಜ್‌, ಸಂಜು ಬಸಯ್ಯ ನಟಿಸುತ್ತಿದ್ದಾರೆ. ಸಕಲೇಶಪುರ, ಬೆಂಗಳೂರು ಕಡೆಗಳಲ್ಲಿ ಚಿತ್ರೀಕರಣ ನಡೆಸಿ, ಉಳಿದವನ್ನು ಬಿಜಾಪುರ, ಹುಬ್ಬಳ್ಳಿಯ ಸುಂದರ ತಾಣಗಳನ್ನು ಸೆರೆ ಹಿಡಿಯಲು ಯೋಜನೆ ಹಾಕಲಾಗಿದೆ
