Uppinangady: ಸಮುದಾಯ ಆಸ್ಪತ್ರೆಯಲ್ಲಿ ವೈದ್ಯರ ನಿರ್ಲಕ್ಷ್ಯ

ಉಪ್ಪಿನಂಗಡಿ: ಇಲ್ಲಿನ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ರೋಗಿಗಳ ಪಾಲಿಗೆ ಉತ್ತಮ ಸೇವೆ ದೊರಕುತ್ತಿಲ್ಲ ಎಂಬ ಬಗ್ಗೆ ಸಾರ್ವಜನಿಕ ವಲಯದಿಂದ ಗಂಭೀರ ಸ್ವರೂಪದ ಆರೋಪ ವ್ಯಕ್ತವಾಗಿದೆ.

ಕೈಗೆ ಗಾಯವಾಗಿದ್ದ ರೋಗಿಯೋರ್ವರನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದ ಸಂದರ್ಭ ಕರ್ತವ್ಯದಲ್ಲಿದ್ದ ಮೂವರು ವೈದ್ಯೆಯರು ಮೊಬೈಲ್‌ನೊಂದಿಗೆ ತಲ್ಲೀನರಾಗಿದ್ದುಕೊಂಡಿದ್ದರೆ ವಿನಃ ಚಿಕಿತ್ಸೆ ನೀಡದೇ ಪುತ್ತೂರು ಆಸ್ಪತ್ರೆಗೆ ಹೋಗುವಂತೆ ಹೇಳಿ ಸತಾಯಿಸಿದ್ದಾರೆ ಎಂದು ರೋಗಿಯ ಸಂಬಂಧಿ ದೂರಿದ್ದಾರೆ.

ಈ ಘಟನೆ ವೇಳೆ ಆಸ್ಪತ್ರೆಗೆ ಭೇಟಿ ನೀಡಿದ್ದ ವಯೋವೃದ್ಧ ರೋಗಿಗಳನ್ನು ಕೂಡ ವೈದ್ಯರು ಇನ್ನು ಮುಂದಕ್ಕೆ ನೀವು ಇಲ್ಲಿಗೆ ಬರಬೇಡಿ ಎಂದು ತಿಳಿಸುತ್ತಿದ್ದರೆಂದೂ ಆಪಾದಿಸಲಾಗಿದೆ. ಈ ಬಗ್ಗೆ ಅವರು ತಾ. ಆರೋಗ್ಯಾಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ.