Advertisement
ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಾಲಯದ ನಟರಾಜ ವೇದಿಕೆಯಲ್ಲಿ ಶನಿವಾರ ಕಾಟುಕುಕ್ಕೆ ಭಜನ ಚಾರಿಟೆಬಲ್‌ ಟ್ರಸ್ಟ್‌ನ್ನು ಉದ್ಘಾಟಿಸಿದರು. ಕಾಟು ಎಂದರೆ ಮೂಲ ಎಂದರ್ಥ. ಮಹಿಳೆಯರೇ ದೊಡ್ಡ ಭೂಮಿಕೆಯಲ್ಲಿದ್ದುಕೊಂಡು ಪ್ರಥಮ ಬಾರಿಗೆ ಭಜನ ಟ್ರಸ್ಟ್‌ ಆರಂಭಗೊಳ್ಳುತ್ತಿರುವುದು ಉತ್ತಮ ಬೆಳವಣಿಗೆ ಎಂದರು.
ದ.ಕ. ಜಿ.ಪಂ. ಶಿಕ್ಷಣ ಮತ್ತು ಆರೋಗ್ಯ ಸ್ಥಾಯೀ ಸಮಿತಿ ಅಧ್ಯಕ್ಷೆ ಅನಿತಾ ಹೇಮನಾಥ ಶೆಟ್ಟಿ ಮಾತನಾಡಿ, ಶಾಂತಿ, ನೆಮ್ಮದಿ, ಶಿಸ್ತನ್ನು ಬೆಳೆಸುವಲ್ಲಿ ಭಜನೆ ಪ್ರಮುಖ ಪಾತ್ರ ವಹಿಸುತ್ತದೆ. ತಾಯಂದಿರು ಮಕ್ಕಳಿಗೆ ಭಜನೆಯಲ್ಲಿ ತೊಡಗಿಸಿಕೊಳ್ಳಲು ಪ್ರೇರಣೆ ನೀಡಬೇಕು ಎಂದರು. ಹನುಮಗಿರಿ ಕೋದಂಡರಾಮ ದೇವ ಸ್ಥಾನದ ಅಧ್ಯಕ್ಷ ನನ್ಯ ಅಚ್ಯುತ ಮೂಡೆತ್ತಾಯ ಅಧ್ಯಕ್ಷತೆ ವಹಿಸಿದ್ದರು.
Related Articles
Advertisement
ಭಜನ ಪುಸ್ತಕ ಬಿಡುಗಡೆಭಜನಾಮೃತ ಭಾಗ -1, ಭಾಗ -2 ಮತ್ತು ವಿಜಯದಾಸರ ಪಂಚರತ್ನ ಸುಳಾದಿ ಎಂಬ ಎರಡು ಭಜನ ಸಾಹಿತ್ಯ ಪುಸ್ತಕ ಬಿಡುಗಡೆಗೊಳಿಸಲಾಯಿತು. ಶ್ರೀ ಕ್ಷೇ.ಧ. ಭಜನಾ ಪರಿಷತ್‌ ಕಾರ್ಯದರ್ಶಿ ಹಾಗೂ ಕಾಟುಕುಕ್ಕೆ ಭಜನ ಟ್ರಸ್ಟ್‌ ಉಪಾಧ್ಯಕ್ಷ ಜಯರಾಮ ನೆಲ್ಲಿತ್ತಾಯ ಸ್ವಾಗತಿಸಿ, ಪತ್ರಕರ್ತ ಎಂ.ನಾ. ಚಂಬಲ್ತಿಮಾರ್‌ ಕಾರ್ಯಕ್ರಮ ನಿರ್ವಹಿಸಿದರು. ದ.ಕ. ಹಾಗೂ ಕಾಸರಗೋಡು ಜಿಲ್ಲಾ ವ್ಯಾಪ್ತಿಯ 100 ಭಜನಾ ತಂಡಗಳ ಸದಸ್ಯರು ಪಾಲ್ಗೊಂಡರು. ಬೆಳಗ್ಗೆ ಕಿಶೋರ್‌ ಪೆರ್ಲ ಮತ್ತು ಸಂಗಡಿಗರಿಂದ ದಾಸ ಭಕ್ತಿ ಭಜನಾಮೃತ, ಭಜನಾರ್ಥಿಗಳಿಂದ ಸಮೂಹ ಗಾಯನ ನಡೆಯಿತು. ಭಜನೆಯ ಅಭ್ಯುದಯಕ್ಕಾಗಿ
ಪ್ರಾಸ್ತಾವಿಕವಾಗಿ ಮಾತನಾಡಿದ ಟ್ರಸ್ಟ್‌ ಅಧ್ಯಕ್ಷ ರಾಮಕೃಷ್ಣ ಕಾಟುಕುಕ್ಕೆ, ಭಕ್ತ ಹಾಗೂ ಭಗವಂತನನ್ನು ಭಕ್ತಿಯ ವೇದಿಕೆ ಮೂಲಕ ಸೇರಿಸುವ ಮಾಧ್ಯಮ ಭಜನೆ. ನಮ್ಮಲ್ಲಿ ಸಾಂಪ್ರದಾ ಯಿಕವಾಗಿ ಬಂದ ಭಜನೆಯನ್ನು ಸಂಸ್ಕಾರಯುತವಾಗಿ ಬೆಳೆಸುವ ಚಿಂತನೆ ಟ್ರಸ್ಟ್‌ನಲ್ಲಿದೆ. 2009ರಲ್ಲಿ ಕಾಟುಕುಕ್ಕೆಯಲ್ಲಿ 1 ತಂಡದಿಂದ ಆರಂಭವಾದ ಭಜನ ತರಬೇತಿಯಲ್ಲಿ ಈಗ 100 ತಂಡಗಳು ತರಬೇತಿ ಪಡೆದಿವೆ. ಎಲ್ಲರನ್ನೂ ಸೇರಿಸಿಕೊಂಡು ಭಜನೆಯ ಅಭ್ಯುದಯಕ್ಕೆ ಟ್ರಸ್ಟ್‌ ಕೆಲಸ ಮಾಡಲಿದೆ ಎಂದು ಹೇಳಿದರು.