ನೀರಕಟ್ಟೆ ಸಾಗರ್‌ ಪವರ್‌ ಪ್ರಾಜೆಕ್ಟ್ ಮುಳುಗಡೆ

ಉಪ್ಪಿನಂಗಡಿ: ಇಲ್ಲಿಗೆ ಸಮೀಪ ಬಜತ್ತೂರು ಗ್ರಾಮದ ನೀರಕಟ್ಟೆ ಎಂಬಲ್ಲಿ ಕಾರ್ಯಾಚರಿಸುತ್ತಿದ್ದ ಜಲ ವಿದ್ಯುತ್‌ ಉತ್ಪಾದನಾ ಘಟಕ ಸಾಗರ್‌ ಪವರ್‌ ಪ್ರಾಜೆಕ್ಟ್ ಡ್ಯಾಂ ಶುಕ್ರವಾರ ತಡ ರಾತ್ರಿ ಹೊತ್ತಿಗೆ ಸಂಪೂರ್ಣ ಮುಳುಗಡೆ ಆಗಿದ್ದು, ಘಟಕದ ಒಳಗಡೆ ಇದ್ದ ಎಲ್ಲಾ ಯಂತ್ರಗಳು ಜಲಾವೃತವಾಗಿದೆ.

ನೇತ್ರಾವತಿಯಲ್ಲಿ ತಡ ರಾತ್ರಿ ಭಾರೀ ಪ್ರಮಾಣದಲ್ಲಿ ನೀರು ಹರಿದು ಬಂದಿದ್ದು, ಘಟಕ ಮುಳುಗಿದೆ. ಇದರಲ್ಲಿ ವಿದ್ಯುತ್‌ ಉತ್ಪಾದನೆಯ 3 ಜನರೇಟರ್‌ ಮತ್ತು ಇತರೇ ಯಂತ್ರಗಳಿದ್ದವು.

6 ಕೋಟಿ ರೂಪಾಯಿಗೂ ಅಧಿಕ ನಷ್ಟ
ಯಂತ್ರಗಳು ಮುಳುಗಿದ್ದರಿಂದ 1 ಕೋಟಿ ರೂ. ಅಧಿಕ ನಷ್ಟವಾಗಿದೆ. ಜತೆಗೆ ಕನಿಷ್ಠ 3 ತಿಂಗಳು ವಿದ್ಯುತ್‌ ಉತ್ಪಾದನೆ ಸ್ಥಗಿತ ಆಗಲಿದ್ದು, ಇದರಿಂದಾಗಿ ಸುಮಾರು 5 ಕೋಟಿ ರೂಪಾಯಿ ನಷ್ಟ ಸಾಧ್ಯತೆ ಅಂದಾಜಿಸಲಾಗಿದೆ.