Brand Value; ನೀರಜ್‌ ಚೋಪ್ರಾ, ಮನು ಭಾಕರ್‌ ಜಾಹೀರಾತು ಮೌಲ್ಯ ವಿಪರೀತ ಏರಿಕೆ

‌ನವದೆಹಲಿ: ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಗೆದ್ದ ಜಾವೆಲಿನ್‌ ಥ್ರೋವರ್‌ ನೀರಜ್‌ ಚೋಪ್ರಾ (Neeraj Chopra) ಮತ್ತು 2 ಕಂಚು ಗೆದ್ದಿರುವ ಶೂಟರ್‌ ಮನು ಭಾಕರ್‌ (Manu Bhaker) ಅವರ ಬ್ರ್ಯಾಂಡ್‌ ಮೌಲ್ಯ ದಿನೇ ದಿನೇ ಹೆಚ್ಚುತ್ತಲೇ ಇವೆ. ಹೀಗಾಗಿ ಇಬ್ಬರೂ ಕೂಡ ಹಲವಾರು ಜಾಹೀರಾತು ಕಂಪನಿಗಳೊಂದಿಗೆ ಒಪ್ಪಂದ ಮಾಡಿ ಕೊಂಡಿರುವುದಾಗಿ ವರದಿ ಹೇಳಿದೆ.

ಈ ಒಲಿಂಪಿಕ್ಸ್‌ ನಲ್ಲಿ ಬೆಳ್ಳಿ ಗೆದ್ದ ಬಳಿಕ ನೀರಜ್‌ ಚೋಪ್ರಾ ಅವರ ಮೌಲ್ಯ ಶೇ. 40-50ರಷ್ಟು ಏರಿಕೆಯಾಗಿದೆ. ನೀರಜ್‌ ಜತೆ 10-15 ಕಂಪನಿಗಳು ಈಗಾಗಲೇ ಮಾತುಕತೆ ನಡೆಸಿವೆ ಎನ್ನಲಾಗಿದೆ.

ಈ ಒಲಿಂಪಿಕ್ಸ್‌ಗೂ ಮುನ್ನ ಪ್ರತೀ ಒಪ್ಪಂದಕ್ಕೆ ಸುಮಾರು 20-25 ಲಕ್ಷ ರೂ.ನಷ್ಟು ಪಡೆಯುತ್ತಿದ್ದ ಮನು ಭಾಕರ್‌, ಈಗ ಅದರ ಆರೇಳು ಪಟ್ಟು ಹೆಚ್ಚಿನ ಮೊತ್ತದ ಒಪ್ಪಂದಕ್ಕೆ ಸಹಿ ಹಾಕುತ್ತಿದ್ದಾರೆ. ಹಾಕಿ ತಂಡದ ಗೋಲ್‌ ಕೀಪರ್‌ ಶ್ರೀಜೇಶ್‌, ಬ್ಯಾಡ್ಮಿಂಟನ್‌ ಆಟಗಾರ ಲಕ್ಷ್ಯ ಸೇನ್‌ ಮತ್ತಿತರರ ಮೌಲ್ಯವೂ ಏರಿಕೆಯಾಗಿದೆ ಎನ್ನಲಾಗಿದೆ.