ಶಂಕಿತ ನಕ್ಸಲ್‌ ಹತ್ಯೆ

ವಯನಾಡ್‌: ಕೇರಳದ ವಯನಾಡ್‌ ಜಿಲ್ಲೆಯಲ್ಲಿ ಪೊಲೀಸರ ಜತೆಗೆ ನಡೆದ ಗುಂಡಿನ ಚಕಮಕಿಯಲ್ಲಿ  ಶಂಕಿತ ನಕ್ಸಲ್‌ ನಾಯಕ ಜಲೀಲ್‌ ಎಂಬಾತ ಅಸುನೀಗಿದ್ದಾನೆ. ಬುಧವಾರ ತಡರಾತ್ರಿ ಶುರುವಾಗಿದ್ದ ಗುಂಡಿನ ಚಕಮಕಿ ಗುರುವಾರ ಬೆಳಗಿನ ಜಾವದ ವರೆಗೆ ಮುಂದುವರಿದಿತ್ತು. 

ಅಸುನೀಗಿದಾಗ ಮಲಪ್ಪುರಂ ಜಿಲ್ಲೆಯವನಾಗಿದ್ದಾನೆ. ಹತ್ತು ಮಂದಿಯ ಗುಂಪಿನ ಜತೆಗೆ ರೆಸಾರ್ಟ್‌ಗೆ ಪ್ರವೇಶ ಮಾಡಿದ್ದ ಆತ ಊಟ ನೀಡುವಂತೆ ಹೇಳಿದ್ದ. ಅದರ ಮಾಲೀಕರು ಪೊಲೀಸರಿಗೆ ಮಾಹಿತಿ ನೀಡಿದ್ದ ಹಿನ್ನೆಲೆಯಲ್ಲಿ ಅವರು ಧಾವಿಸಿ ಬಂದಿದ್ದರು. ವಿಶೇಷ ಕಾರ್ಯಪಡೆ  ಪೊಲೀಸರು ಬಂದದನ್ನು ನೋಡಿ ಜಲೀಲ್‌ ಗುಂಪು ಗುಂಡು ಹಾರಿಸಿತು. ಆತನಿಂದ ದೇಶಿಯವಾಗಿ ನಿರ್ಮಿಸಲಾಗಿರುವ ಪಿಸ್ತೂಲ್‌ ವಶಪಡಿಸಿಕೊಳ್ಳಲಾಗಿದೆ.