ಕುಖ್ಯಾತ ನಕ್ಸಲ್‌ ನಾಯಕ ಬಂಧನ

ರಾಂಚಿ: ಕುಖ್ಯಾತ ನಕ್ಸಲ್‌ ನಾಯಕ, ಝೋನಲ್‌ ಕಮಾಂಡರ್‌ ಭಿಕಾನ್‌ಗುಂಜ್‌ ಹಾಗೂ ಆತನ ಸಹಚರ ರಾಹುಲ್‌ ಮುಂಡಾ ಅವರನ್ನು ರವಿವಾರ ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ವಿವಿಧ ಪ್ರಕರಣಗಳಿಗಾಗಿ ಇವರನ್ನು ಎನ್‌ಐಎ ಹುಡುಕಾಟ ನಡೆಸುತ್ತಿದ್ದು, ಈ ಪೈಕಿ ಗುಂಜ್‌ ನಿಷೇಧಿತ ತೃತೀಯ ಸಮ್ಮೇಳನ್‌ ಪ್ರಸ್ತುತಿ ಕಮಿಟಿ (ಟಿಎಸ್‌ಪಿಸಿ) ಝೋನಲ್‌ ಕಮಾಂಡರ್‌ ಆಗಿದ್ದ.

ಈತನ ವಿರುದ್ಧ 26 ಪ್ರಕರಣಗಳು ದಾಖಲಾಗಿದ್ದು, ಇವನ ತಲೆಗೆ 10 ಲಕ್ಷ ಬಹುಮಾನ ಘೋಷಿಸ ಲಾಗಿತ್ತು. ಮಾವೋವಾದಿಗಳು ಹಾಗೂ ರೌಡಿಗಳಿಗೆ ಶಸ್ತ್ರಾಸ್ತ್ರ ಕಳ್ಳಸಾಗಾಟ ಮಾಡಿರುವ ಆರೋಪವೂ ಈತನ ಮೇಲಿದೆ. ಈತ ರಾಂಚಿ, ಹಝಾರಿಬಾಗ್‌, ಛಾತ್ರದಲ್ಲಿ ಅತ್ಯಂತ ಕ್ರಿಯಾಶೀಲನಾಗಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.