National Bank Open; ಟಾಮಿ ಪೌಲ್‌ ಕೈಯಲ್ಲಿ ಅಲ್ಕರಾಜ್‌ಗೆ ಆಘಾತ

ಟೊರೊಂಟೊ: ಅಮೆರಿಕದ ಟಾಮಿ ಪೌಲ್‌ ಅವರು ಅಗ್ರ ರ್‍ಯಾಂಕಿನ ಕಾರ್ಲೋಸ್‌ ಅಲ್ಕರಾಜ್‌ ಅವರ 14 ಪಂದ್ಯಗಳ ಅಜೇಯ ಓಟವನ್ನು ಮುರಿದಿದ್ದಾರೆ. ಮೂರು ಸೆಟ್‌ಗಳ ಹೋರಾ ಟದಲ್ಲಿ ಸ್ಪೇನ್‌ನ ತಾರೆಗೆ ಆಘಾತವಿಕ್ಕಿದ ಟಾಮಿ ಪೌಲ್‌ ನ್ಯಾಶನಲ್‌ ಬ್ಯಾಂಕ್‌ ಓಪನ್‌ ಕೂಟದ ಸೆಮಿಫೈನಲ್‌ ಹಂತಕ್ಕೇರಿದ್ದಾರೆ.

ವಿಂಬಲ್ಡನ್‌ ಚಾಂಪಿಯನ್‌ ಆಗಿದ್ದ ಅಲ್ಕರಾಜ್‌ ದ್ವಿತೀಯ ಸೆಟ್‌ ಗೆದ್ದರೂ ಪಂದ್ಯದಲ್ಲಿ ಹಿಡಿತ ಸಾಧಿಸಲು ವಿಫ‌ಲರಾದರು. ಅಂತಿಮವಾಗಿ ಅವರು 3-6, 6-4, 3-6 ಸೆಟ್‌ಗಳಿಂದ ಟಾಮಿ ಪೌಲ್‌ ಅವರಿಗೆ ಶರಣಾಗಿ ಹೊರಬಿದ್ದರು. ಮುಂಬರುವ ಯುಎಸ್‌ ಓಪನ್‌ ಪ್ರಶಸ್ತಿ ಉಳಿಸಿಕೊಳ್ಳಲು ಸಿದ್ಧತೆ ನಡೆಸುತ್ತಿರುವ ಅಲ್ಕರಾಜ್‌ ಸದ್ಯ ಅಮೋಘ ಆಟದ ಪ್ರದರ್ಶನ ನೀಡುತ್ತಿದ್ದಾರೆ. ಕಳೆದ 49 ಪಂದ್ಯಗಳಲ್ಲಿ ಗೆದ್ದಿರುವ ಅವರು ಕೇವಲ ಐದು ಪಂದ್ಯಗಳಲ್ಲಿ ಸೋತಿದ್ದರು. ಈ ನಡುವೆ ಆರು ಕೂಟಗಳಲ್ಲಿ ಪ್ರಶಸ್ತಿ ಜಯಿಸಿದ್ದರು.

ನಾನು ನಿಜವಾಗಿಯೂ ಉತ್ತಮ ಟೆನಿಸ್‌ ಆಟ ಆಡಿದ್ದೇನೆ. ನನ್ನ ಹೊಡೆತಗಳೆಲ್ಲವೂ ಉತ್ತಮ ವಾಗಿತ್ತು ಎಂದು ಪೌಲ್‌ ಹೇಳಿದರು. ಪೌಲ್‌ ಅವರು ಪ್ರತಿ ಯೊಂದು ಅಂಗಣದಲ್ಲಿಯೂ ಕಠಿನ ಸ್ಪರ್ಧಿಯಾಗಿದ್ದಾರೆ ಎಂದು ಅಲ್ಕರಾಜ್‌ ಹೇಳಿದರು. 26ರ ಹರೆಯದ ಪೌಲ್‌ 2021ರಲ್ಲಿ ಸ್ಟಾಕ್‌ಹೋಮ್‌ನಲ್ಲಿ ನಡೆದ ಕೂಟದಲ್ಲಿ ಪ್ರಶಸ್ತಿ ಜಯಿಸಿದ್ದರು. ಅವರು ಕಳೆದ ವರ್ಷ ಮಾಂಟ್ರಿಯಲ್‌ಯಲ್ಲಿ ನಡೆದ ಕೂಟದಲ್ಲಿ ಅಲ್ಕರಾಜ್‌ ಅವರನ್ನು ಸೋಲಿಸಿದ್ದರು.

ಇನ್ನೊಂದು ಪಂದ್ಯದಲ್ಲಿ ದ್ವಿತೀಯ ಶ್ರೇಯಾಂಕದ ರಷ್ಯಾದ ಡ್ಯಾನಿಲ್‌ ಮೆಡ್ವೆಡೇವ್‌ ಅವರು ಆಸ್ಟ್ರೇಲಿಯದ ಅಲೆಕ್ಸ್‌ ಡಿ ಮಿನೌರ್‌ ಅವರಿಗೆ 7-6 (7), 7-5 ಸೆಟ್‌ಗಳಿಂದ ಶರಣಾಗಿದ್ದಾರೆ.