ಮಂಗಳನಲ್ಲಿ ಮಂಜುಗಡ್ಡೆ ಪದರ ಪತ್ತೆ?

ವಾಷಿಂಗ್ಟನ್‌: ಬಹು ದಿನಗಳ ನಂತರ, ಮಂಗಳನಲ್ಲಿ ಮನುಷ್ಯ ಜೀವಿಸಲು ಅನುಕೂಲವಾದ ವಾತಾವರಣ ಇರುವ ಸಿದ್ಧಾಂತ ಮತ್ತೆ ಚರ್ಚೆಗೆ ಬಂದಿದೆ. ಮಂಗಳನ ನೆಲದ ಒಂದು ಇಂಚಿನೊಳಗೆ ಮಂಜುಗಡ್ಡೆಯ ಪದರವಿರುವುದು ಪತ್ತೆಯಾಗಿದೆ ಎಂದು ಜಿಯೋಫಿಸಿಕಲ್‌ ರಿಸರ್ಚ್‌ ಲೆಟರ್ಸ್‌ ಎಂಬ ನಿಯತಕಾಲಿಕೆಯಲ್ಲೊಂದು ಲೇಖನ ಪ್ರಕಟವಾಗಿದೆ.

ಮಂಗಳನ ಅಧ್ಯಯನಕ್ಕಾಗಿ, ಅಮೆರಿಕದ ಬಾಹ್ಯಾಕಾಶ ವಿಜ್ಞಾನ ಸಂಸ್ಥೆ (ನಾಸಾ) ಕಳುಹಿಸಿರುವ ಮಾರ್ಸ್‌ ರೆಕೋನೈಸನ್ಸ್‌ ಆರ್ಬಿಟರ್‌ (ಎಂಆರ್‌ಒ), ಮಾರ್ಸ್‌ ಒಡಿಸ್ಸಿ ಆರ್ಬಿಟರ್‌ (ಎಂಒಒ) ಮಂಗಳ ಗ್ರಹದ ಬಗ್ಗೆ ನೀಡಿರುವ ಮಾಹಿತಿಯ ಆಧಾರದ ಮೇರೆಗೆ ಈ ಲೇಖನ ಪ್ರಕಟಿಸಲಾಗಿದ್ದು, ಈ ಬಗ್ಗೆ ಪ್ರತಿಕ್ರಿಯಿಸಿರುವ ನಾಸಾ, ಮಂಗಳನಲ್ಲಿ ನೀರು ಇರುವುದೇ ನಿಜವಾದರೆ, ಮುಂದೆ ಮಂಗಳನ ಅಧ್ಯಯನಕ್ಕೆ ಹೋಗುವ ವಿಜ್ಞಾನಿಗಳು ಅಲ್ಲೇ ತಮಗೆ ಬೇಕಾದ ನೀರನ್ನು ಸಂಸ್ಕರಿಸಿಟ್ಟುಕೊಳ್ಳಬಹುದು ಎಂದಿದೆ.