ನಾಸಾದ ಆ್ಯಪ್‌ ಸ್ಪರ್ಧೆ: ಗೆದ್ದ ಆರ್ಯನ್‌

ನ್ಯೂಯಾರ್ಕ್‌: ಬಾಹ್ಯಾಕಾಶ ಪರಿಶೋಧನೆ ಸಂಬಂಧಿತವಾಗಿ ನಾಸಾ ಆಹ್ವಾನಿಸಿದ್ದ ಆ್ಯಪ್‌ ರಚನೆಯ ಚಾಲೆಂಜ್‌ನಲ್ಲಿ ಭಾರತದ ಹರ್ಯಾಣ ಹೈಸ್ಕೂಲ್‌ ವಿದ್ಯಾರ್ಥಿ ಆರ್ಯನ್‌ ಜೈನ್‌ ವಿಜೇತರಾಗಿದ್ದಾರೆ. ಆರ್ಯನ್‌, ಯುಎಸ್‌ನ 6 ಪ್ರೌಢಶಾಲಾ ವಿದ್ಯಾರ್ಥಿಗಳೊಂದಿಗೆ ಸೇರಿ “ಆರ್ಟೆಮಿಸ್‌ ನೆಕ್ಸ್ಟ್- ಜೆನ್‌ ಸ್ಟೆಮ್‌- ಮೂನ್‌ ಟು ಮಾರ್ಸ್‌’ ಆ್ಯಪ್‌ ಅಭಿವೃದ್ಧಿಪಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಆರ್ಯನ್‌, ಗುರುಗ್ರಾಮದ ಸನ್‌ಸಿಟಿ ಸ್ಕೂಲ್‌ನ ವಿದ್ಯಾರ್ಥಿ.

ಚಂದ್ರನ ದಕ್ಷಿಣ ಧ್ರುವವನ್ನು ದೃಷ್ಟಿಯಲ್ಲಿಟ್ಟುಕೊಂಡು ಬಾಹ್ಯಾಕಾಶ ಪರಿಶೋಧನ ಕಾರ್ಯಾಚರಣೆಯಲ್ಲಿನ ತಾಂತ್ರಿಕ ಸಮಸ್ಯೆ ಪತ್ತೆಹಚ್ಚುವ, ಪರಿಹಾರ ನೀಡುವ ವಿಚಾರದಲ್ಲಿ ಆ್ಯಪ್‌ ಸಿದ್ಧಪಡಿಸುವಂತೆ ನಾಸಾ ವಿದ್ಯಾರ್ಥಿಗಳಿಗೆ ಸ್ಪರ್ಧೆ ಏರ್ಪಡಿಸಿತ್ತು. ಆರ್ಯನ್‌ ತಂಡ C# ಪ್ರೋಗ್ರಾಂನೊಂದಿಗೆ ಕ್ರಾಸ್‌- ಪ್ಲಾಟ್‌ಫಾರಂ ಗೇಮ್‌ ಎಂಜಿನ್‌ ಯುನೈಟ್‌ ಬಳಸಿ ಆ್ಯಪ್‌ ಸಿದ್ಧಪಡಿಸಿದೆ. 2024ರಲ್ಲಿ ನಾಸಾ ಗಗನಯಾತ್ರಿಕರೊಂದಿಗೆ, ಪುರುಷ ಮತ್ತು ಮಹಿಳೆಯನ್ನು ಚಂದ್ರನಲ್ಲಿಗೆ ಕಳುಹಿಸುತ್ತಿದೆ. ಈ ಯೋಜನೆಯಲ್ಲಿ ವಿದ್ಯಾರ್ಥಿಗಳನ್ನು ಆ್ಯಪ್‌ ಸ್ಪರ್ಧೆ ಮೂಲಕ ಭಾಗಿಮಾಡಿಕೊಂಡಿದೆ.