“ಅಭಿವೃದ್ಧಿಗೆ ಮೋದಿ ಸರಕಾರ ಅವಶ್ಯ’

ಸುರತ್ಕಲ್‌: ಐದು ವರ್ಷಗಳಲ್ಲಿ ಪ್ರಧಾನಿಯಾಗಿ ನರೇಂದ್ರ ಮೋದಿ ಸರಕಾರ ದ ಸಾಧನೆ ಗಮನಾರ್ಹವಾಗಿದೆ. ಮುಂದಿನ ಐದು ವರ್ಷ ಮತ್ತೂಮ್ಮೆ ಅಧಿಕಾರ ಸಿಕ್ಕಿದರೆ ದೇಶ ಮತ್ತಷ್ಟು ಅಭಿವೃದ್ಧಿಯಾಗುವುದು ಎಂದು ಕೇಂದ್ರ ಕೈಗಾರಿಕ ಮತ್ತು ವಿಮಾನಯಾನ ಸಚಿವ ಸುರೇಶ್‌ ಪ್ರಭು ಹೇಳಿದರು.

ಸುರತ್ಕಲ್‌ನಲ್ಲಿ ದ.ಕ. ಲೋಕಸಭಾ ಅಭ್ಯರ್ಥಿ ನಳಿನ್‌ ಕುಮಾರ್‌ ಪರ ಚುನಾವಣೆ ರ್ಯಾಲಿ ಬಳಿಕ ನಡೆದ ಬಹಿರಂಗ ಸಭೆಯಲ್ಲಿ ಪಾಲ್ಗೊಂಡು ಮಾತನಾಡಿದರು. ಆರೋಗ್ಯಕ್ಕಾಗಿ ಆಯುಷ್ಮಾನ್‌ ಕೋಟಿ ಜನರಿಗೆ ವರದಾನವಾಗಿದೆ. ಆಸ್ಪತ್ರೆ ಬಿಲ್‌ಗ‌ಳು ಜನತೆಯ ಮುಕ್ಕಾಲು ಪಾಲು ಆದಾಯವನ್ನು ನುಂಗುವುದರಿಂದ ಈ ಯೋಜನೆ ತರಲಾಯಿತು. ಸ್ವ ಉದ್ಯೋ ಗಕ್ಕೆ ಮುದ್ರಾ ಯೋಜನೆ, ದೇಶ ವಿದೇಶ ಗಳಲ್ಲಿ ಇಂದು ಭಾರತಕ್ಕೆ ಗೌರವ ಆತಿಥ್ಯ ಸಿಗುತ್ತಿದ್ದರೆ ಇದಕ್ಕೆ ಮೋದಿ ಅವರ ದೂರ ದರ್ಶಿತ್ವದ ಆಡಳಿತ ಕಾರಣವಾಗಿದೆ ಎಂದರು.

ನಳಿನ್‌ ಕುಮಾರ್‌ ಕಟೀಲು ಮಾತನಾಡಿ, ದ.ಕ. ಲೋಕಸಭಾ ಕ್ಷೇತ್ರದ ಅಭಿವೃದ್ಧಿಗೆ 10 ವರ್ಷಗಳಲ್ಲಿ ಪ್ರಾಮಾಣಿಕ ಪ್ರಯತ್ನ ಮಾಡಿ ಯಶಸ್ವಿಯಾಗಿದ್ದೇನೆ. ಮುಂದೆಯೂ ನಿಮ್ಮ ಸೇವಕನಾಗಿ ನಗರ, ಗ್ರಾಮಾಂತರ ಪ್ರದೇಶದಲ್ಲಿ ಅಭಿವೃದ್ಧಿ ಮಾಡಲು ಬದ್ಧನಾಗಿದ್ದೇನೆ ಎಂದರು.

ಶಾಸಕ ಡಾ| ಭರತ್‌ ಶೆಟ್ಟಿ ವೈ. ಮಾತ ನಾಡಿ, ಈ ಬಾರಿಯೂ ನಳಿನ್‌ ಕುಮಾರ್‌ ಕಟೀಲು ಜಯ ಗಳಿಸುವುದು ನಿಶ್ಚಿತ. ನಾವು ವಿಜಯೋತ್ಸವಕ್ಕೆ ಈಗಲೇ ಸಜ್ಜಾಗಿದ್ದೇವೆ ಎಂದರು. ವಿಕಾಸ್‌ ಪುತ್ತೂರು, ನಿತಿನ್‌ ಕುಮಾರ್‌, ರವಿ ಶಂಕರ್‌ ಮಿಜಾರ್‌, ರಣದೀಪ್‌ ಕಾಂಚನ್‌, ಪೂಜಾ ಪೈ, ಅಶೋಕ್‌ ಕೃಷ್ಣಾಪುರ, ಗಣೇಶ್‌ ಹೊಸಬೆಟ್ಟು, ರಜನಿ ದುಗ್ಗಣ್ಣ , ತಿಲಕ್‌ ರಾಜ್‌ ಕೃಷ್ಣಾಪುರ, ಲೋಕೇಶ್‌ ಬೊಳ್ಳಾಜೆ, ವಿಟ್ಟಲ ಸಾಲ್ಯಾನ್‌ ಉಪಸ್ಥಿತರಿದ್ದರು. ಮಹೇಶ್‌ ಮೂರ್ತಿ ನಿರೂಪಿಸಿದರು.