Nandini; ಐಎಸ್‌ಎಲ್‌ ಪ್ರಾಯೋಜಕತ್ವಕ್ಕೆ ಮುಂದಾದ ರಾಜ್ಯದ “ನಂದಿನಿ’

ಬೆಂಗಳೂರು; ಕರ್ನಾಟಕದ ನಂದಿನಿ ಡೈರಿ, ಇಂಡಿಯನ್‌ ಸೂಪರ್‌ ಲೀಗ್‌ (ಐಎಸ್‌ಎಲ್‌) ಫ‌ುಟ್‌ಬಾಲ್‌ ಪ್ರಾಯೋಜಕತ್ವ ವಹಿಸಲು ಮುಂದಾಗಿದೆ.

ಈ ಬಗ್ಗೆ ಮಾತನಾಡಿದ ಕರ್ನಾಟಕ ಹಾಲು ಒಕ್ಕೂಟದ ನಿರ್ದೇಶಕ ಎಂ.ಕೆ. ಜಗದೀಶ್‌, ಮುಂಬರಲಿರುವ ಐಎಸ್‌ಎಲ್‌ ಫ‌ುಟ್‌ಬಾಲ್‌ ಟೂರ್ನಿ ಮುಖ್ಯ ಪ್ರಾಯೋಜಕತ್ವ ವಹಿಸಲು ನಾವು ಯೋಚಿಸುತ್ತಿದ್ದೇವೆ ಎಂದಿದ್ದಾರೆ.

ಮೂಲಗಳ ಪ್ರಕಾರ, ಟೂರ್ನಿಯ ವೇಳೆ ಎಲ್‌ಇಡಿ ಬೋರ್ಡ್‌ಗಳು, ಡಗೌಟ್‌ ಪ್ರದೇಶಗಳು ಮತ್ತು 300 ಸೆಕೆಂಡ್‌ಗಳಷ್ಟು ಟಿವಿ ಮತ್ತು ಒಟಿಟಿ ವೇದಿಕೆಗಳಲ್ಲಿ ನಂದಿನಿ ಉತ್ಪನ್ನಗಳಿಗೆ ಸಂಬಂಧಿಸಿ ಜಾಹೀರಾತು ಪ್ರಕಟಿಸುವ ವಿಚಾರಗಳನ್ನು ಒಪ್ಪಂದವು ಒಳಗೊಂಡಿದೆ.