ನಾಗಾಲ್ಯಾಂಡ್‌: ಚುನಾವಣೆಗೆ ಮುನ್ನವೇ ಗೆದ್ದ ಮಾಜಿ ಸಿಎಂ

ಕೊಹಿಮಾ : ಇದೇ 27ರಂದು ನಾಗಾಲ್ಯಾಂಡ್‌ ವಿಧಾನಸಭೆಗೆ ಚುನಾವಣೆ ನಡೆಯುವ ಮುನ್ನವೇ ಮಾಜಿ ಮುಖ್ಯಮಂತ್ರಿ ನೀಫಿಯು ರಿಯೋ ಅವರು ಉತ್ತರ ಅಂಗಾಮಿ -2 ಸ್ಥಾನವನ್ನು ಅವಿರೋಧವಾಗಿ ಗೆದ್ದುಕೊಂಡಿದ್ದಾರೆ. 

ರಿಯೋ ಅವರ ಎದುರಾಳಿಯಾಗಿರುವ ನಾಗಾ ಪೀಪಲ್ಸ್‌ ಫ್ರಂಟ್‌ ನ ಅಭ್ಯರ್ಥಿ ತನ್ನ ನಾಮಪತ್ರವನ್ನು ಹಿಂದೆಗೆದುಕೊಂಡದ್ದೇ ರಿಯೋ ಅವರ ಅವಿರೋಧ ಆಯ್ಕೆಗೆ ಕಾರಣವಾಗಿದೆ. 

ರಿಯೋ ಅವರು ಕಳೆದ ತಿಂಗಳಲ್ಲಿ ಎನ್‌ಪಿಎಫ್ ತ್ಯಜಿಸಿ ಹೊಸದಾಗಿ ರಚಿಸಲ್ಪಟ್ಟ ನ್ಯಾಶನಲಿಸ್ಟ್‌ ಡೆಮೋಕ್ರಾಟಿಕ್‌ ಪ್ರೋಗ್ರೆಸ್ಸೀವ್‌ ಪಾರ್ಟಿ (ಎನ್‌ಡಿಪಿಪಿ) ಸೇರಿಕೊಂಡಿದ್ದರು. ಎನ್‌ಡಿಪಿಪಿ ಬಿಜೆಪಿಯ ಮಿತ್ರ ಪಕ್ಷವಾಗಿದೆ. ರಿಯೋ ಅವರು ನಾಲ್ಕನೇ ಬಾರಿ ನಾಗಾಲ್ಯಾಂಡ್‌ ಮುಖ್ಯಮಂತ್ರಿಯಾಗುವ ಸಿದ್ಧತೆಯಲ್ಲಿದ್ದಾರೆ.