ತಲೆ ಕಡಿದು ಪರಾರಿಯಾಗುತ್ತಿದ್ದವ ಲಾರಿಗೆ ಸಿಲುಕಿ ಸಾವು! 

ಚೆನ್ನರಾಯಪಟ್ಟಣ : ಕೊಂದವನ ಕೊಲೆ ಬೆನ್ನ ಹಿಂದೆ ಎನ್ನುವಂತೆ ಬರ್ಬರ ಹತ್ಯೆಗೈದವನನ್ನು ಆ ಮಂಜುನಾಥನೂ ಕಾಪಾಡಲಿಲ್ಲ.ಯುವಕನ ಶಿರಚ್ಛೇದಗೈದಿದ್ದ ಆರೋಪಿಯೊಬ್ಬ ಪೊಲೀಸರು ಬೆನ್ನಟ್ಟಿದ್ದಾಗ ತಪ್ಪಿಸಿಕೊಳ್ಳಲು ಯತ್ನಿಸಿ ಲಾರಿಯ ಅಡಿಗೆ ಬಿದ್ದು ಸ್ಥಳದಲ್ಲೇ ಸಾವನ್ನಪ್ಪಿದ ಘಟನೆ ಗುರುವಾರ ರಾತ್ರಿ ತಾಲೂಕಿನ ಬರಗೂರಿನಲ್ಲಿ ನಡೆದಿದೆ. 

ಯುವಕನ ರುಂಡ ಸಮೇತ ಪರಾರಿಯಾಗಿದ್ದ ಅನಿಲ್‌ ಎಂಬ ಆರೋಪಿಯೇ ಲಾರಿ ಅಡಿಗೆ ಬಿದ್ದು ಸಾವನ್ನಪ್ಪಿದ್ದಾನೆ.

ಅಗಸ್ಟ್‌ 28 ರಂದು ದಂಡಿಗಾನಹಳ್ಳಿ ಹೋಬಳಿಯ ಎ.ಕಾಳೇನಹಳ್ಳಿಯಲ್ಲಿ  ನವೀನ್‌ ಎಂಬ 28 ವರ್ಷದ ಯುವಕನನ್ನು ಕಬ್ಬಿನ ಗದ್ದೆಯಲ್ಲಿ ಬರ್ಬರವಾಗಿ ಕಡಿದು ಕೊಲೆಗೈಯಲಾಗಿತ್ತು. ಈ ಕೊಲೆಯನ್ನು ಮಾಡಿ ಅನಿಲ್‌ ರುಂಡವನ್ನು ಒಯ್ದಿದ್ದ. ಬಳಿಕ ಪಾಪ ವನ್ನು ಕಳೆಯುವ ಸಲುವಾಗಿ  ಧರ್ಮಸ್ಥಕ್ಕೆ ತೆರಳಿ ಮುಡಿ ಸಲ್ಲಿಸಿ ವಾಪಾಸಾಗುತ್ತಿದ್ದ. ರಾತ್ರಿ ಖಚಿತ ಮಾಹಿತಿಯ ಮೇರೆಗೆ ಪೊಲೀಸರು ಕಾರ್ಯಾಚರಣೆಗಿಳಿದಿದ್ದಾರೆ.  ಈ ವೇಳೆ ತಪ್ಪಿಸಿಕೊಳ್ಳುವ ಭರದಲ್ಲಿ ಲಾರಿಗೆ ಅಡಿಗೆ ಬಿದ್ದು ಸಾವನ್ನಪ್ಪಿದ್ದಾನೆ. 

ಚೆನ್ನರಾಯಪಟ್ಟಣ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.