ಬೆಂಗಳೂರು: ಬಾಲಿವುಡ್ ಅಂಗಳದಲ್ಲಿ ಬಾರಿ ಹೆಸರು ಮಾಡಿದ್ದ ‘ಮರ್ಡರ್’ ಹೆಸರಿನ ಸಿನಿಮಾವೊಂದು ಇದೀಗ ಕನ್ನಡದಲ್ಲಿಯೂ ತೆರೆಕಾಣುತ್ತಿದೆ. ಹಾಗಂತ ಇದು ಕನ್ನಡ ಸಿನಿಮಾ ಅಲ್ಲ. ಬದಲಾಗಿ ಖ್ಯಾತ ನಿರ್ದೇಶಕ ಹಾಗೂ ನಿರ್ಮಾಪಕ ರಾಮ್ ಗೊಪಾಲ್ ವರ್ಮ ನೇತೃತ್ವದಲ್ಲಿ ತೆಲುಗಿನಲ್ಲಿ ನಿರ್ಮಾಣವಾಗಿದ್ದ ಸಿನಿಮಾ. ಇದೀಗ ಈ ಸಿನಿಮಾವನ್ನು ನವರಸನ್ ಅವರು ಕನ್ನಡಕ್ಕೆ ತರುತ್ತಿದ್ದಾರೆ.
ಡಿಸೆಂಬರ್ 24 ರಂದು ತೆರೆಮೇಲೆ ಬರಲು ಸಜ್ಜಾಗಿರುವ ಈ ಸಿನಿಮಾ ಕನ್ನಡ, ತೆಲುಗು, ತಮಿಳು ಸೇರೆದಂತೆ ಒಟ್ಟು ನಾಲ್ಕು ಭಾಷೆಗಳಲ್ಲಿ ತೆರೆಕಾಣುವುದರ ಮೂಲಕ ಬಾರಿ ಸದ್ದು ಮಾಡಲು ಹೊರಟಿದೆ.
ನೈಜ ಕಥೆಯನ್ನು ಆಧರಿಸಿರುವ ಸಿನಿಮಾ ಇದಾಗಿದ್ದು ಕನ್ನಡದಲ್ಲಿ ಈ ಸಿನಿಮಾದ ನಿರ್ದೇಶನದ ಜವಾಬ್ದಾರಿಯನ್ನು ಆನಂದ್ ಚಂದ್ರ ವಹಿಸಿಕೊಂಡಿದ್ದಾರೆ. ಶ್ರೀ ಲಕ್ಷ್ಮೀ ವೃಷಾದ್ರಿ ಪ್ರೊಡಕ್ಷನ್ನಲ್ಲಿ ಈ ಸಿನಿಮಾವನ್ನು ನಿರ್ಮಿಸಲಾಗುತ್ತಿದೆ.
ಇದನ್ನೂ ಓದಿ:ಸಭಾಪತಿಗಳಿಗೆ ನಿರ್ಬಂಧ ಹಾಕಲು ಅಧಿಕಾರ ಕೊಟ್ಟಿದ್ದು ಯಾರು?; ಡಿ.ಕೆ ಶಿವಕುಮಾರ್
ಡಿ. ಎಸ್ . ಆರ್ ಸಂಗೀತ ನಿರ್ದೇಶನ , ಜಗದೀಶ್ ಚೀಕಟಿ ಛಾಯಾಗ್ರಹಣ ಹಾಗೂ ಶ್ರೀಕಾಂತ್ ಪಟ್ನಾಯಕ್ ಸಂಕಲನವಿರುವ ಈ ಚಿತ್ರದಲ್ಲಿ ಶ್ರೀಕಾಂತ್ ಅಯ್ಯಂಗಾರ್ , ಸಾಹಿತಿ , ಭಾರ್ಗವಿ ಮುಂತಾದವರು ನಟಿಸಿದ್ದಾರೆ ಎಂದು ವರದಿಯಾಗಿದೆ.
ಈ ಹಿಂದೆ ಬಾಲಿವುಡ್ ನಲ್ಲಿ ಇದೇ ಹೆಸರಿನ ಸಿನಿಮಾವೊಂದು ತೆರೆಕಂಡಿದ್ದು, ಆ ಮೂಲಕ ನಟಿ ಮಲ್ಲಿಕಾ ಶೆರಾವತ್ ಅವರಿಗೆ ಹೆಸರು ತಂದಿತ್ತು. ಹಾಗೂ ನಟ ಇಮ್ರಾನ್ ಹಸ್ಮಿಗಂತೂ ಕಿಸ್ಸಿಂಗ್ ಸ್ಟಾರ್ ಎಂಬ ಬಿರುದನ್ನೆ ತಂದು ಕೊಟ್ಟಿತ್ತು.
