ಉಡುಪಿ: ಪದವಿ ಪ್ರದಾನ ಸಮಾರಂಭವು ಕೃತಜ್ಞತೆ ಸಲ್ಲಿಸುವ ಸಮಾರಂಭವಾಗಿದೆ. ಉತ್ತಮ ವೈದ್ಯರಾಗಲು ಶಿಸ್ತು, ಕರ್ತವ್ಯಪರತೆ, ಗುರಿ
ತುಂಬಾ ಮುಖ್ಯ ಎಂದು ನಿಟ್ಟೆ ವಿಶ್ವವಿದ್ಯಾನಿಲಯದ ಸಹಕುಲಪತಿ ಡಾ| ಎಂ. ಶಾಂತಾರಾಮ ಶೆಟ್ಟಿ ಹೇಳಿದರು.
ಅವರು ಶನಿವಾರ ಮಣಿಪಾಲದ ಮುನಿಯಾಲು ಆಯುರ್ವೇದ ಕಾಲೇಜಿನ ವಾರ್ಷಿಕೋತ್ಸವ, ಪದವಿ ಪ್ರದಾನ ಸಮಾರಂಭದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ವಿದ್ಯಾರ್ಥಿಗಳಿಗೆ ಶುಭ ಹಾರೈಸಿದರು.
ವಿದ್ಯಾರ್ಥಿ ಸಂಘದ ಉದ್ಘಾಟನೆಯನ್ನು ಮಣಿಪಾಲ ಐಕಾಸ್‌ ನಿರ್ದೇಶಕ ಪ್ರೊ| ಡಾ| ರಾಧಾಕೃಷ್ಣ ಎಸ್‌. ಐತಾಳ ನೆರವೇರಿಸಿದರು. ಸಾಂಸ್ಕೃತಿಕ ಮತ್ತು ಕ್ರೀಡಾ ಸ್ಪರ್ಧೆ ವಿಜೇತ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಲಾಯಿತು.
ಸಂಸ್ಥೆಯ ಪ್ರಧಾನ ನಿರ್ದೇಶಕ ಡಾ| ಎಂ.ವಿ. ಶೆಟ್ಟಿ ಅಧ್ಯಕ್ಷತೆ ವಹಿಸಿದ್ದರು. ಪ್ರಾಂಶುಪಾಲ ಡಾ| ಸತ್ಯನಾರಾಯಣ ಭಟ್‌ ವರದಿ ವಾಚಿಸಿದರು.
ನಿರ್ದೇಶಕರಾದ ಹೇಮಲತಾ ಶೆಟ್ಟಿ, ಡಾ| ಶ್ರದ್ಧಾ ಶೆಟ್ಟಿ, ಚಿರಂಜಿತ್‌ ಅಜಿಲ ಉಪಸ್ಥಿತರಿದ್ದರು. ಡಾ| ಅರ್ಚನಾ ಕಲ್ಲುರಾಯ ಸ್ವಾಗತಿಸಿ, ಡಾ| ಗುರುರಾಜ ತಂತ್ರಿ ವಂದಿಸಿದರು. ಡಾ| ಮೇಘ ಉದಯ್‌ ಕಾರ್ಯಕ್ರಮ ನಿರ್ವಹಿಸಿದರು.
