ಅಮ್ಮನ ಕಣ್ಣೀರಿಗೆ ಕರಗಿ ಉಗ್ರವಾದ ತ್ಯಜಿಸಿದ

ಜಮ್ಮು: ಉಗ್ರ ಸಂಘಟನೆಗೆ ಸೇರಿದ್ದ ಬಾಲಕನೊಬ್ಬ ತನ್ನ ತಾಯಿಯ ಕಣ್ಣೀರಿಗೆ ಕರಗಿ, ಮನಸ್ಸು ಬದಲಿಸಿ ಮನೆಗೆ ವಾಪಸ್ಸಾಗಿರುವ ಘಟನೆ ಕಾಶ್ಮೀರದಲ್ಲಿ ನಡೆದಿದೆ. “ಮತ್ತೂಬ್ಬ ಬಾಲಕ ತಾಯಿಯ ಕರೆಗೆ ಓಗೊಟ್ಟು, ಹಿಂಸೆಯ ಮಾರ್ಗ ತೊರೆದು ಮತ್ತೆ ಕುಟುಂಬವನ್ನು ಸೇರಿದ್ದಾನೆ’ ಎಂದು ಜಮ್ಮು- ಕಾಶ್ಮೀರ ಡಿಜಿಪಿಎಸ್‌.ಪಿ.ವೇದ್‌ ಟ್ವೀಟ್‌ ಮಾಡಿದ್ದಾರೆ. ಜೊತೆಗೆ, ಬಾಲಕನಿಗೆ ಶುಭ ಹಾರೈಕೆಯನ್ನೂ ಮಾಡಿದ್ದಾರೆ. ಆದರೆ, ಭದ್ರತಾ ದೃಷ್ಟಿಯಿಂದ ಬಾಲಕನ ಗುರುತನ್ನು ಅವರು ಹೊರಹಾಕಿಲ್ಲ. ಕಳೆದ ವರ್ಷದಿಂದ ಹಲವು ಯುವಕರು ಹಿಂಸೆಯ ಮಾರ್ಗ ತ್ಯಜಿಸಿದ್ದಾರೆ. ಅಂಥವರನ್ನು ನಾವು ಸ್ವೀಕರಿಸಿದ್ದೇವೆ ಎಂದೂ ಹೇಳಿದ್ದಾರೆ.