ದಿಲ್ಲಿಯಲ್ಲಿ ಮುಂಬೈ ಜಯಭೇರಿ

ಹೊಸದಿಲ್ಲಿ: ಕೋಟ್ಲಾದಲ್ಲಿ ಗುರುವಾರ ನಡೆದ ಐಪಿಎಲ್‌ ಮೇಲಾಟದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ ವಿರುದ್ಧ ಮುಂಬೈ ಇಂಡಿಯನ್ಸ್‌ 40 ರನ್‌ಗಳ ಗೆಲುವು ದಾಖಲಿಸಿತು.

ಮೊದಲು ಬ್ಯಾಟಿಂಗ್‌ ನಡೆಸಿದ ಮುಂಬೈ ಪಾಂಡ್ಯ ಸೋದರರ ಮಿಂಚಿನ ಬ್ಯಾಟಿಂಗ್‌ ನೆರವಿನಿಂದ 5 ವಿಕೆಟಿಗೆ 168 ರನ್‌ ಗಳಿಸಿದರೆ, ಡೆಲ್ಲಿ 9 ವಿಕೆಟಿಗೆ 128 ರನ್‌ ಗಳಿಲಸಷ್ಟೇ ಶಕ್ತವಾಗಿ ಮುಂಬೈಗೆ ಶರಣಾಯಿತು. ರಾಹುಲ್‌ ಚಹರ್‌ ಅವರ ಬಿಗು ದಾಳಿಗೆ ಡೆಲ್ಲಿ ತತ್ತರಿಸಿ ಹೋಯಿತು. ಚಹರ್‌ ತನ್ನ 4 ಓವರ್‌ಗಳಲ್ಲಿ ಕೇವಲ 19 ರನ್‌ ನೀಡಿ ಮೂರು ಅಮೂಲ್ಯ ವಿಕೆಟ್‌ ಉರುಳಿಸಿದ್ದರು.

5ನೇ ಕ್ರಮಾಂಕದಲ್ಲಿ ಆಡಲಿಳಿದ ಕೃಣಾಲ್‌ ಪಾಂಡ್ಯ 26 ಎಸೆತಗಳಿಂದ ಅಜೇಯ 37 ರನ್‌ ಹೊಡೆದರೆ (5 ಬೌಂಡರಿ), ಹಾರ್ದಿಕ್‌ ಪಾಂಡ್ಯ 15 ಎಸೆತಗಳಿಂದ 32 ರನ್‌ ಸಿಡಿಸಿದರು (2 ಬೌಂಡರಿ, 3 ಸಿಕ್ಸರ್‌). ಈ ಜೋಡಿಯಿಂದ 5ನೇ ವಿಕೆಟಿಗೆ 4.2 ಓವರ್‌ಗಳಿಂದ 54 ರನ್‌ ಹರಿದು ಬಂತು. ಈ ಜೋಡಿ ಒಟ್ಟುಗೂಡುವಾಗ ಮುಂಬೈ 16ನೇ ಓವರಿನಲ್ಲಿ 104 ರನ್‌ ಗಳಿಸಿ ಕುಂಟುತ್ತಿತ್ತು.

ಮುಂಬೈ ಆರಂಭ ಅಮೋಘವಾಗಿತ್ತು. ರೋಹಿತ್‌ ಶರ್ಮ (30) ಮತ್ತು ಕ್ವಿಂಟನ್‌ ಡಿ ಕಾಕ್‌ (35) 4.1 ಓವರ್‌ಗಳಿಂದ 57 ರನ್‌ ಪೇರಿಸಿದರು. ಆದರೆ ಒನ್‌ಡೌನ್‌ನಲ್ಲಿ ಬಂದ ಬೆನ್‌ ಕಟಿಂಗ್‌ (2) ಮತ್ತೆ ವಿಫ‌ಲರಾದರು. ಸೂರ್ಯಕುಮಾರ್‌ ಯಾದವ್‌ 26 ರನ್‌ ಹೊಡೆದರೂ ಇದಕ್ಕೆ 27 ಎಸೆತ ತೆಗೆದುಕೊಂಡರು.

ಸ್ಕೋರ್‌ಪಟ್ಟಿ
ಮುಂಬೈ ಇಂಡಿಯನ್ಸ್‌
ರೋಹಿತ್‌ ಶರ್ಮ ಬಿ ಮಿಶ್ರಾ 30
ಕ್ವಿಂಟನ್‌ ಡಿ ಕಾಕ್‌ ರನೌಟ್‌ 35
ಬೆನ್‌ ಕಟಿಂಗ್‌ ಎಲ್‌ಬಿಡಬ್ಲ್ಯು ಅಕ್ಷರ್‌ 2
ಸೂರ್ಯಕುಮಾರ್‌ ಬಿ ಪಂತ್‌ ಬಿ ರಬಾಡ 26
ಕೃಣಾಲ್‌ ಪಾಂಡ್ಯ ಔಟಾಗದೆ 37
ಹಾರ್ದಿಕ್‌ ಪಾಂಡ್ಯ ಸಿ ಪಂತ್‌ ಬಿ ರಬಾಡ 32
ಕೈರನ್‌ ಪೊಲಾರ್ಡ್‌ ಔಟಾಗದೆ 0
ಇತರ 6
ಒಟ್ಟು (5 ವಿಕೆಟಿಗೆ) 168
ವಿಕೆಟ್‌ ಪತನ: 1-57, 2-62, 3-74, 4-104, 5-158.
ಬೌಲಿಂಗ್‌:
ಇಶಾಂತ್‌ ಶರ್ಮ 3-0-17-0
ಕಾಗಿಸೊ ರಬಾಡ 4-0-38-2
ಕ್ರಿಸ್‌ ಮಾರಿಸ್‌ 3-0-39-0
ಕೀಮೊ ಪೌಲ್‌ 3-0-37-0
ಅಮಿತ್‌ ಮಿಶ್ರಾ 3-0-18-1
ಅಕ್ಷರ್‌ ಪಟೇಲ್‌ 4-0-17-1

ಡೆಲ್ಲಿ ಕ್ಯಾಪಿಟಲ್ಸ್‌
ಪೃಥ್ವಿ ಶಾ ಸಿ ಹಾರ್ದಿಕ್‌ ಬಿ ಚಹರ್‌ 20
ಶಿಖರ್‌ ಧವನ್‌ ಬಿ ಚಹರ್‌ 35
ಕಾಲಿನ್‌ ಮನ್ರೊ ಬಿ ಕೃಣಾಲ್‌ 3
ಶ್ರೇಯಸ್‌ ಅಯ್ಯರ್‌ ಬಿ ಚಹರ್‌ 3
ರಿಷಬ್‌ ಪಂತ್‌ ಬಿ ಬುಮ್ರಾ 7
ಅಕ್ಷರ್‌ ಪಟೇಲ್‌ ಬಿ ಬುಮ್ರಾ 26
ಕ್ರಿಸ್‌ ಮಾರಿಸ್‌ ಸಿ ಹಾರ್ದಿಕ್‌ ಬಿ ಮಾಲಿಂಗ 11
ಕೀಮೊ ಪೌಲ್‌ ರನೌಟ್‌ 0
ಕಾಗಿಸೊ ರಬಾಡ ಸಿ ಪೊಲಾರ್ಡ್‌ ಬಿ ಹಾರ್ದಿಕ್‌ 9
ಅಮಿತ್‌ ಮಿಶ್ರಾ ಔಟಾಗದೆ 6
ಇಶಾಂತ್‌ ಶರ್ಮ ಔಟಾಗದೆ 0
ಇತರ 8
ಒಟ್ಟು (20 ಓವರ್‌ಗಳಲ್ಲಿ 9 ವಿಕೆಟಿಗೆ) 128
ವಿಕೆಟ್‌ ಪತನ: 1-49, 2-59, 3-61, 4-63, 5-76, 6-107, 7-107, 8-107, 9-125.
ಬೌಲಿಂಗ್‌:
ಹಾರ್ದಿಕ್‌ ಪಾಂಡ್ಯ 2-0-17-1
ರಾಹುಲ್‌ ಚಹರ್‌ 4-0-19-3
ಲಸಿತ ಮಾಲಿಂಗ 4-0-37-1
ಜಯಂತ್‌ ಯಾದವ್‌ 4-0-25-0
ಜಸ್‌ಪ್ರೀತ್‌ ಬುಮ್ರಾ 4-0-18-2
ಕೃಣಾಲ್‌ ಪಾಂಡ್ಯ 2-0-7-1