ಬೆಳಗಾವಿ- ಮುಂಬೈ ನಡುವೆ ವಿಮಾನ ಸಂಚಾರ ಆರಂಭ

ಬೆಳಗಾವಿ:  ಬೆಳಗಾವಿ-ಮುಂಬೈ ಮಧ್ಯೆ ಸಂಚರಿಸಲಿರುವ ಸ್ಟಾರ್ ಏರ್ ಸಂಸ್ಥೆಯ ವಿಮಾನಕ್ಕೆ ಕೇಂದ್ರ ರೈಲ್ವೆ ಖಾತೆ ರಾಜ್ಯ ಸಚಿವ ಸುರೇಶ್ ಅಂಗಡಿ ಶುಕ್ರವಾರ ಚಾಲನೆ ನೀಡಿದರು.

ಇಂದಿನಿಂದ ಆರಂಭವಾಗಿರುವ ಸ್ಟಾರ್ ಏರ್ ಬೆಳಗಾವಿ – ಮುಂಬೈ ಮಧ್ಯೆ ವಿಮಾನ ಸೇವೆ ವಾರದ ಏಳೂ ದಿನ  ಸಂಚರಿಸಲಿದ್ದು, ಬೆಳಗ್ಗೆ 11.50ಕ್ಕೆ ಬೆಳಗಾವಿಯಿಂದ ಹೊರಡುವ ವಿಮಾನ ಮಧ್ಯಾಹ್ನ 1.50ಕ್ಕೆ ಮುಂಬೈಯಿಂದ ವಾಪಸ್ ಬೆಳಗಾವಿಗೆ ಹೊರಡಲಿದೆ.

ಉಡಾನ್-3ರಲ್ಲಿ ಸೇರ್ಪಡೆಯಾದ ನಂತರ ಬೆಳಗಾವಿ ವಿಮಾನ ನಿಲ್ದಾಣದಿಂದ  ರಾಷ್ಟ್ರದ ವಿವಿಧ ನಗರಗಳಿಗೆ ವಿಮಾನ ಸಂಪರ್ಕ ಸಾಧ್ಯವಾಗಿದೆ ಎಂದು ಸಚಿವ ಸುರೇಶ ಅಂಗಡಿ ಇದೆ ಸಂಧರ್ಭದಲ್ಲಿ ಹೇಳಿದರು.

ಬೆಳಗಾವಿ ವಿಮಾನ ನಿಲ್ದಾಣದ ಡೈರೆಕ್ಟರ್ ರಾಜೇಶ್ ಕುಮಾರ್ ಮೌರ್ಯ, ಬಿಜೆಪಿ ಮಹಾನಗರ ಅಧ್ಯಕ್ಷ ರಾಜೇಂದ್ರ ಕುಮಾರ್ ಹರಕುಣಿ, ಏರ್ ಫೋರ್ಟ್ ಮತ್ತು ಸ್ಟಾರ್ ಏರ್ ವೇಸ್ ಅಧಿಕಾರಿಗಳು  ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.