ಮುಂಬಯಿ: 3 ಕಾಮಾಂಧರಿಂದ ಕಾಲೇಜು ಹುಡುಗಿಯ ಅಪಹರಣ, ಗ್ಯಾಂಗ್‌ ರೇಪ್‌

ಮುಂಬಯಿ : ಮುಂಬಯಿ ಹೊರವಲಯದ ಚಾರ್‌ಕೋಪ್‌ನಲ್ಲಿ  ಕಾಲೇಜು ಹುಡುಗಿಯನ್ನು ಅಪಹರಿಸಿ ಚಲಿಸುತ್ತಿದ್ದ ಕಾರಿನಲ್ಲಿ ಆಕೆಯ ಮೇಲೆ ಮೂವರು ಕಾಮಾಂಧರು ಅತ್ಯಾಚಾರ ನಡೆಸಿರುವ ಘಟನೆ ನಿನ್ನೆ ಗುರುವಾರ ಸಂಜೆ 7 ಗಂಟೆಗೆ ನಡೆದಿರವುದು ತಡವಾಗಿ ವರದಿಯಾಗಿದೆ. 

ಕಾಲೇಜಿಗೆ ಹೋಗುತ್ತಿದ್ದ ಹುಡುಗಿಯ ತೀರ ಸನಿಹಕ್ಕೆ ತಮ್ಮ ಎಕೋ ವಾಹನವನ್ನು ಒಯ್ದ ಮೂವರು ಕಾಮಾಂಧರು, ಹುಡುಗಿಯನ್ನು ಬಲವಂತದಿಂದ  ಕಾರಿನೊಳಗೆ ಸೆಳೆದುಕೊಂಡು ಆಕೆಯನ್ನು ಮಲಾಡ್‌ನ‌ ಮಾಧ್‌ ದ್ವೀಪಕ್ಕೆ ಸಮೀಪ ಒಯ್ದು ಅಲ್ಲಿ ಅತ್ಯಾಚಾರ ಎಸಗಿದರು ಎಂದು ವರದಿ ತಿಳಿಸಿದೆ. 

ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ; ಆದರೆ ಈ ತನಕ ಆರೋಪಿಗಳ ಬಂಧನವಾಗಿಲ್ಲ; ಅತ್ಯಾಚಾರಕ್ಕೆ ಒಳಗಾದ ಹುಡುಗಿಯನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಲಾಗಿದೆ ಎಂದು ತಿಳಿದು ಬಂದಿದೆ.