Mumbai: ರೋಗಿಗಳ ದಾಖಲೆ ಪತ್ರಗಳಿಂದ ಪೇಪರ್‌ ಪ್ಲೇಟ್‌!: ವಿಡಿಯೋ ವೈರಲ್‌

ಮುಂಬೈ: ಮಹಾರಾಷ್ಟ್ರದ ಕಿಂಗ್‌ ಎಡ್ವರ್ಡ್‌ (ಕೆಇಎಂ) ಆಸ್ಪತ್ರೆಯಲ್ಲಿ ರೋಗಿಗಳ ಮಾಹಿತಿ ಇರುವ ದಾಖಲೆ ಪತ್ರಗಳನ್ನೇ ಪೇಪರ್‌ ಪ್ಲೇಟ್‌ಗಳ ತಯಾರಿಕೆಗೆ ಬಳಸಲಾಗಿದೆ. ಇದು ವಿವಾದಕ್ಕೆ ಕಾರಣ ವಾಗಿದೆ. ನಿರ್ಲಕ್ಷ್ಯ ಹಿನ್ನೆಲೆ ಆಸ್ಪತ್ರೆಯ 6 ಸಿಬ್ಬಂದಿಗೆ ಶೋಕಾಸ್‌ ನೋಟಿಸ್‌ ಜಾರಿ ಮಾಡಲಾಗಿದೆ.

ವಿಡಿಯೋ ವೈರಲ್‌ ಆಗುತ್ತಿದ್ದಂತೆ ಶಿವಸೇನೆ ಉದ್ಧವ್‌ ಬಣದ ಮಾಜಿ ಮೇಯರ್‌ ಕಿಶೋರಿ ಪಡ್ನೇಕರ್‌ ಆಸ್ಪತ್ರೆಯನ್ನು ತರಾಟೆ ತೆಗೆದುಕೊಂಡು, ರೋಗಿಗಳ ಖಾಸಗಿ ಮಾಹಿತಿ ಇರುವ ದಾಖಲೆಗಳನ್ನು ವಿಲೇವಾರಿ ಮಾಡದೇ ಮರುಬಳಕೆಗೆ ನೀಡಿರುವುದು ಆಸ್ಪತ್ರೆಯ ನಿರ್ಲ ಕ್ಷ್ಯ ವನ್ನು ತೋರಿಸುತ್ತದೆ. ಈ ಬಗ್ಗೆ ಕೋರ್ಟ್‌ಗೆ ಅರ್ಜಿ ಸಲ್ಲಿಸುವುದಾಗಿ ಹೇಳಿದ್ದಾರೆ. ಇನ್ನು ಪೇಪರ್‌ ಪ್ಲೇಟ್‌ನಲ್ಲಿ ಬಳಕೆಯಾಗಿರುವುದು ರೋಗಿಗಳ ಸಿಟಿ ಸ್ಕ್ಯಾನ್‌ನ ಹಳೇ ರಿಪೋರ್ಟ್‌ ಎಂದು ಆಸ್ಪತ್ರೆ ಹೇಳಿದೆ.