ಮುಂಬಯಿ ಕಟ್ಟಡ ಕುಸಿತ:12 ಸಾವು ;ಅವಶೇಷಗಳಡಿ ಹಲವರು

 ಮುಂಬಯಿ : ನಗರದ ಘಾಟ್‌ಕೋಪರ್‌ನ ಲಾಲ್‌ ಬಹುದ್ದೂರ್‌ ಶಾಸ್ತ್ರೀ ರಸ್ತೆಯ ದಾಮೋದರ್‌ ಪಾರ್ಕ್‌ನಲ್ಲಿ 4 ಅಂತಸ್ತಿನ ವಸತಿ ಕಟ್ಟಡವೊಂದು ಮಂಗಳವಾರ ಕುಸಿದಿದ್ದು,12 ಮಂದಿ ಸಾವನ್ನಪ್ಪಿ, ಅವಶೇಷಗಳಡಿಯಲ್ಲಿ 30 ಕ್ಕೂ ಹೆಚ್ಚು ಮಂದಿ ಸಿಲುಕಿರುವ ಶಂಕೆ ವ್ಯಕ್ತವಾಗಿದೆ.

ಕಟ್ಟಡದ ಕೆಳ ಮಹಡಿಯಲ್ಲಿ ನರ್ಸಿಂಗ್‌ ಹೋಂ ನಡೆಸಲಾಗುತ್ತಿತ್ತು ಎಂದು ತಿಳಿದು ಬಂದಿದ್ದು,  ಸ್ಥಳಕ್ಕೆ ಅಗ್ನಿ ಶಾಮಕದಳದ ಸಿಬಂದಿಗಳು, ಪೊಲೀಸರು , ರಕ್ಷಣಾ ತಂಡದವರು ಜೆಸಿಬಿ, ಅಂಬುಲೆನ್ಸ್‌ಗಳೊಂದಿಗೆ ಆಗಮಿಸಿ ಸಮರೋಪಾದಿಯಲ್ಲಿ ರಕ್ಷಣಾ ಕಾರ್ಯ ನಡೆಸುತ್ತಿದ್ದಾರೆ. 

 12 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಪ್ರಾಥಮಿಕ ವರದಿಯಾಗಿದ್ದು,ಸಾವಿನ ಸಂಖ್ಯೆ ಹೆಚ್ಚಾಗುವ ಎಲ್ಲಾ ಸಾಧ್ಯತೆಗಳಿವೆ. 

ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗುತ್ತಿದೆ.