Mulki ಕಾರು- ಸ್ಕೂಟಿ ಢಿಕ್ಕಿ; ಸವಾರನಿಗೆ ಗಾಯ

ಮೂಲ್ಕಿ: ಇಲ್ಲಿಯ ಬಸ್‌ ನಿಲ್ದಾಣ ಬಳಿಯ ಜಂಕ್ಷನ್‌ನಲ್ಲಿ ಶುಕ್ರವಾರ ತಡ ರಾತ್ರಿ ಅತೀವೇಗದಿಂದ ಬಂದ ಕಾರೊಂದು ಸರ್ವೀಸ್‌ ರಸ್ತೆ ಬಳಿ ಸ್ಕೂಟಿಗೆ ಢಿಕ್ಕಿ ಹೊಡೆದಿದೆ. ಪರಿಣಾಮ ಸವಾರ ಮನೋಜ್‌ ಗಂಭೀರ ಗಾಯಗೊಂಡರು. ಸ್ಥಳೀಯರು ಅವರನ್ನು ಮುಕ್ಕದ ಆಸ್ಪತ್ರೆಗೆ ದಾಖಲಿಸಿದ್ದಾರೆ.

ಢಿಕ್ಕಿಯ ಪರಿಣಾಮ ಹತ್ತಿರದಲ್ಲಿದ್ದ ಸಾಫ್ಟ್ ಡ್ರಿಂಕ್ಸ್‌ನ ಖಾಲಿ ಬಾಟಲಿಗಳು ಚೆಲ್ಲಾಪಿಲ್ಲಿಯಾಗಿವೆ. ಕಾರಿಯಲ್ಲಿ ಚಾಲಕ ಸಹಿತ ಮೂವರು ಮಹಿಳೆಯರಿದ್ದು ಅಪಾಯದಿಂದ ಪಾರಾಗಿದ್ದಾರೆ. ಮಂಗಳೂರು ಉತ್ತರ ಟ್ರಾಫಿಕ್‌ ಪೊಲೀಸರು ಕೇಸು ದಾಖಲಿಸಿಕೊಂಡಿದ್ದಾರೆ.