ಮುಕೇಶ್‌ ಅಂಬಾನಿ ಮನೆ ವಿಳಾಸ ಕೇಳಿದವ ಅರೆಸ್ಟ್‌

ಮುಂಬೈ: ಪ್ರವಾಸಿಯೊಬ್ಬ ಉದ್ಯಮಿ ಮುಕೇಶ್‌ ಅಂಬಾನಿ ಅವರ ಮನೆಯ ವಿಳಾಸವನ್ನು ಕೇಳಿದ್ದು, ಆತನ ಬಗ್ಗೆ ಅನುಮಾನ ಬಂದ ಹಿನ್ನೆಲೆಯಲ್ಲಿ ಮುಂಬೈ ಪೊಲೀಸರು ಆತನನ್ನು ಬಂಧಿಸಿದ್ದಾರೆ.

ಸೋಮವಾರ ರಾತ್ರಿ ಟ್ಯಾಕ್ಸಿಯಲ್ಲಿ ಸಂಚರಿಸುತ್ತಿದ್ದ ಸುರೇಶ್‌ ವಿಸಾಂಜಿ ಪಟೇಲ್‌ ಹೆಸರಿನ ವ್ಯಕ್ತಿ ಮುಕೇಶ್‌ ಅಂಬಾನಿಯವರ ಆಂಟಿಲಿಯಾಕ್ಕೆ ತೆರಳಲು ಚಾಲಕನಿಗೆ ತಿಳಿಸಿದ್ದಾನೆ.

ಚಾಲಕ ಬೇರೊಬ್ಬ ಟ್ಯಾಕ್ಸಿ ಚಾಲಕನ ಬಳಿ ವಿಳಾಸ ಕೇಳಿಕೊಂಡು ಅಲ್ಲಿಗೆ ಹೋಗಿದ್ದಾನೆ. ಈ ವಿಚಾರ ಪೊಲೀಸರಿಗೆ ತಿಳಿದುಬಂದಿದ್ದು, ಸುರೇಶ್‌ನನ್ನು ವಶಕ್ಕೆ ಪಡೆದು ವಿಚಾರಿಸಲಾಗಿದೆ.

ಇದನ್ನೂ ಓದಿ:‘ಉದ್ಯಮಿಯಾಗು ಉದ್ಯೋಗ ನೀಡು’ ಕಾರ್ಯಾಗಾರದ ವೇದಿಕೆಗೆ ಪುನೀತ್ ‌ ಹೆಸರು

ಆತ ಕುತೂಹಲಕ್ಕಾಗಿ ಆ ಮನೆ ನೋಡಲು ತೆರಳಿದ್ದಾಗಿ ಹೇಳಿಕೊಂಡಿದ್ದಾನೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಟ್ಯಾಕ್ಸಿ ಚಾಲಕನನ್ನೂ ವಿಚಾರಣೆಗೆ ಒಳಪಡಿಸುವುದಾಗಿ ತಿಳಿಸಲಾಗಿದೆ.