ಫೋರ್ಬ್ಸ್ ಪಟ್ಟಿಯಲ್ಲಿ ಅಂಬಾನಿ, ದಮನಿ

ನವದೆಹಲಿ: ರಿಲಯನ್ಸ್‌ ಇಂಡಸ್ಟ್ರೀಸ್‌ ಮುಖ್ಯಸ್ಥ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಮುಖೇಶ್‌ ಅಂಬಾನಿ ಹಾಗೂ ಡಿ-ಮಾರ್ಟ್‌ ಸ್ಟೋರ್‌ಗಳನ್ನು ನಡೆಸುವ ಅವೆನ್ಯೂ ಸೂಪರ್‌ ಮಾರ್ಟ್ಸ್ ಸಂಸ್ಥಾಪಕ ರಾಧಾಕೃಷ್ಣ ದಮನಿ ಅವರು ಫೋರ್ಬ್ಸ್ ನ ಜಾಗತಿಕ ಬಿಲೇನಿಯರ್‌ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದ ಇಬ್ಬರು ಅಗ್ರ ಭಾರತೀಯ ಉದ್ಯಮಿಗಳೆನಿಸಿದ್ದಾರೆ.

ಅಂಬಾನಿ 17 ಮತ್ತು ದಮನಿ 65ನೇ ರ್‍ಯಾಂಕ್‌ ಪಡೆದಿದ್ದಾರೆ. ಫೋರ್ಬ್ಸ್ ಇತ್ತೀಚೆಗೆ ಬಿಡುಗಡೆ ಮಾಡಿರುವ 34ನೇ ವರ್ಷದ ಬಿಲೇನಿಯರ್‌ಗಳ ಪಟ್ಟಿ ಪ್ರಕಾರ, 88 ಬಿಲಿಯನ್‌ ಡಾಲರ್‌ ಆದಾಯ ಹೊಂದಿರುವ ತೈಲ ಮತ್ತು ಅನಿಲ ಸಂಸ್ಥೆ ರಿಂಲಾಯ್ಸ ಇಂಡಸ್ಟ್ರೀಸ್‌ ಹಾಗೂ ದೇಶದಾದ್ಯಂತ 34 ಕೋಟಿ ಗ್ರಾಹಕರನ್ನು ಹೊಂದಿರುವ ರಿಯಾಲಯ್ಸ ಜಿಯೋ ಕಂಪನಿಗಳ ಮಾಲೀಕ ಮುಖೇಶ್‌ ಅಂಬಾನಿ 44.3 ಬಿಲಿಯನ್‌ ಡಾಲರ್‌ ಮೌಲ್ಯದ ಆಸ್ತಿಯ ಒಡೆಯರಾಗಿದ್ದಾರೆ. ಇನ್ನು ದೇಶಾದ್ಯಂತ 65 ಶಾಖೆಗಳಿರುವ ಡಿ-ಮಾರ್ಟ್‌ ಸೂಪರ್‌ ಮಾರ್ಕೆಟ್‌ ಚೈನ್‌ ಅನ್ನು ಮುನ್ನಡೆಸುತ್ತಿರುವ ರಾಧಾಕೃಷ್ಣ ದಮನಿ, 16.6 ಬಿಲಿಯನ್‌ ಮೌಲ್ಯದ ಆಸ್ತಿಯನ್ನು ಹೊಂದಿದ್ದಾರೆ.