50ರ ಸಂಭ್ರಮದಲ್ಲಿ ಮಫ್ತಿ;ಶಿವಣ್ಣ ನಿವಾಸದಲ್ಲಿ ನಾಳೆ ಅಭಿಮಾನಿಗಳ ಹಬ್ಬ

ಶಿವರಾಜಕುಮಾರ್‌ ಹಾಗು ಶ್ರೀಮುರಳಿ ಅಭಿನಯದ “ಮಫ್ತಿ’  ನಾಳೆ (ಶುಕ್ರವಾರ) ಯಶಸ್ವಿ 50 ದಿನದ ಪ್ರದರ್ಶನ ಕಾಣುತ್ತಿದೆ. ಆರಂಭದಿಂದಲೂ “ಮಫ್ತಿ’ಗೆ ಸಿಕ್ಕ ಪ್ರತಿಕ್ರಿಯೆ ಅಪಾರ. ಶಿವರಾಜಕುಮಾರ್‌ ಮತ್ತು ಶ್ರೀಮುರಳಿ ಅಭಿಮಾನಿಗಳಂತೂ 50 ರ ಸಂಭ್ರಮದಲ್ಲಿರುವ “ಮಫ್ತಿ’ಯನ್ನು ಮತ್ತೂಮ್ಮೆ ಕಣ್ತುಂಬಿಕೊಳ್ಳುವ ಉತ್ಸಾಹದಲ್ಲಿದ್ದಾರೆ. 

ನರ್ತನ್‌ ನಿರ್ದೇಶನದ “ಮಫ್ತಿ’ 50 ದಿನಗಳ ಯಶಸ್ವಿ ಪ್ರದರ್ಶನ ಕಂಡ ಹಿನ್ನೆಲೆಯಲ್ಲಿ, ಅಖೀಲ ಕರ್ನಾಟಕ ಡಾ.ಶಿವರಾಜ್‌ಕುಮಾರ್‌ ಸೇನಾ ಸಮಿತಿ ಮತ್ತು ಗಂಡುಗಲಿ ಡಾ.ಶಿವರಾಜ್‌ಕುಮಾರ್‌ ಅಭಿಮಾನಿಗಳ ಸಂಘದ ಪದಾಧಿಕಾರಿಗಳು 50 ದಿನದ ಸಂಭ್ರಮ ಆಚರಿಸಲು ನಿರ್ಧರಿಸಿದ್ದಾರೆ.

ಜ.19ರ ಸಂಜೆ 6 ಗಂಟೆಗೆ ನಾಗವಾರದಲ್ಲಿರುವ ಶಿವರಾಜಕುಮಾರ್‌ ನಿವಾಸದಲ್ಲಿ ಅಭಿಮಾನಿಗಳೆಲ್ಲ ಸೇರಿ “ಮಫ್ತಿ’ ಸಂಭ್ರಮ ಆಚರಿಸಿಕೊಳ್ಳಲಿದ್ದಾರೆ. ಅಂದು ಶಿವರಾಜ್‌ಕುಮಾರ್‌, ಶ್ರೀಮುರಳಿ, ನಿರ್ದೇಶಕ ನರ್ತನ್‌, ನಿರ್ಮಾಪಕರಾದ ಜಯಣ್ಣ, ಭೋಗೇಂದ್ರ ಮತ್ತು ಶಿವರಾಜಕುಮಾರ್‌ ಸೇನಾ ಸಮಿತಿಯ ಹಿತೈಷಿ ಕೆ.ಪಿ.ಶ್ರೀಕಾಂತ್‌ ಗೌರವಾಧ್ಯಕ್ಷ ತ್ಯಾಗರಾಜ್‌, ರಾಜ್ಯಾಧ್ಯಕ್ಷ ಟಿ.ನಾರಾಯಣ್‌, ಎಂ.ಮಲ್ಲ, ಎಂ.ನಾಗರಾಜ್‌ ಸೇರಿದಂತೆ ನೂರಾರು ಅಭಿಮಾನಿಗಳು ಪಾಲ್ಗೊಳ್ಳುತ್ತಿದ್ದಾರೆ.