ಮುದಗಲ್ಲನಲ್ಲಿ ಮಾಸ್ಕ್ ದಿನಾಚರಣೆ

ಮುದಗಲ್ಲ: ಸ್ಥಳೀಯ ಪುರಸಭೆ ಅಧಿಕಾರಿಗಳು ಪಟ್ಟಣದ ವಿವಿಧ ಬೀದಿಗಳಲ್ಲಿ ಕೊರೊನಾ ಜಾಗೃತಿ ಜಾಥಾದ ಮೂಲಕ ಮಾಸ್ಕ್ ಧರಿಸುವ ಬಗ್ಗೆ ಮಾಸ್ಕ್ ದಿನ ಆಚರಿಸಿದರು.

ಪುರಸಭೆಯಿಂದ ಆರಂಭವಾದ ಜಾಥಾ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿತು. ಸಾರ್ವಜನಿಕಕರು ಮಾಸ್ಕ್ ಕಡ್ಡಾಯವಾಗಿ ಧರಿಸಬೇಕು. ಸಾಮಾಜಿಕ ಅಂತರ ಕಾಪಾಡಬೇಕು. ಅನಗತ್ಯ ಅಲೆಯುವುದು ಬೇಡ. ಆರೋಗ್ಯದಲ್ಲಿ ತೊಂದರೆ ಆದಾಗ ತಕ್ಷಣ ವೈದ್ಯರನ್ನು ಕಾಣಬೇಕು ಎಂದು ಜಾಗೃತಿ ಮೂಡಿಸಲಾಯಿತು. ಪುರಸಭೆ ಸದಸ್ಯರಾದ ಶೇಖ್‌ ರಸೂಲ್‌, ದುರಗಪ್ಪ ಕಟ್ಟಮನಿ, ವ್ಯವಸ್ಥಾಪಕ ಮಲ್ಲಿಕಾರ್ಜುನ, ಹಿರಿಯ ನೈರ್ಮಲ್ಯ ನಿರೀಕ್ಷಕ ಜಗನಾಥ ಜೋಶಿ, ಹನುಮಂತ ನಾಯಕ, ವೆಂಕಟೇಶ ತಳವಾರ, ಜಿಲಾನಿ ಪಾಷ ಜಹಗೀರದಾರ್‌ ಇದ್ದರು.