ಪೇದೆ ಸಂಬಂಧಿಕರಿಗೆ ಹೋಂ ಕ್ವಾರಂಟೈನ್‌ಗೆ ಸೂಚನೆ

ಮುದಗಲ್ಲ: ಯಾದಗಿರಿ ಜಿಲ್ಲೆ ಶಹಾಪುರ ನಗರ ಠಾಣೆ ಪೊಲೀಸ್‌ ಪೇದೆಗೆ ಕೋವಿಡ್ ಸೋಂಕು ದೃಢಪಟ್ಟಿದೆ. ಆದ್ದರಿಂದ ಆತನ ಸಂಬಂಧಕರನ್ನು 14 ದಿನ ಹೋಂ ಕ್ವಾರಂಟೈನೆ ಮಾಡಬೇಕು ಡಿವೈಎಸ್‌ಪಿ ಎಸ್‌.ಎಸ್‌. ಹೂಲ್ಲೂರ ಸೂಚಿಸಿದರು.

ಅಡವಿಭಾವಿ ಗ್ರಾಮದ ಪೇದೆ ತನ್ನ ಮನೆಗೆ ಎರಡು ಬಾರಿ ಬಂದು ಹೋದ ಹಿನ್ನೆಲೆಯಲ್ಲಿ ಅವರ ಕುಟುಂಬದವರು ಕಡ್ಡಾಯವಾಗಿ 14 ದಿನಗಳ ಕಾಲ ಹೋಂ ಕ್ವಾರಂಟೈನ್‌ನಲ್ಲಿರಬೇಕು. ಗ್ರಾಮದ ಜನರು ಸಾಮಾಜಿಕ ಅಂತರ ಕಾಯ್ದುಕೊಳಬೇಕು. ಪೊಲೀಸ್‌ ಪೇದೆ ಜತೆ ಸಂಪರ್ಕ ಹೊಂದಿದವರು ಜಾಗೃತಿಯಿಂದ ಇರಬೇಕು. ಪ್ರತಿಯೊಬ್ಬರು ಕಡ್ಡಾಯವಾಗಿ ಮಾಸ್ಕ್  ಧರಿಸಬೇಕು. ಆರೋಗ್ಯದಲ್ಲಿ ಏರುಪೇರಾದರೇ ದೂರವಾಣಿ ಕರೆ ಮಾಡಿ ಮಾಹಿತಿ ನೀಡಬೇಕು ಎಂದು ಸೂಚಿಸಿದರು. ಠಾಣೆ ಪಿಎಸ್‌ಐ ಡಾಕೇಶ, ಪೊಲೀಸ್‌ ಸಿಬ್ಬಂದಿ ಹನುಮಂತ, ಬಾಷಸಾಬ್‌ ಪೋತ್ನಾಳ, ಅಡಿವೆಪ್ಪ ಇದ್ದರು.