ಹೆಚ್ಚು ಟೀಕಿಸುವುದೇ ನನ್ನಮ್ಮ: ಕೋಚ್ ರವಿಶಾಸ್ತ್ರಿ

ನವದೆಹಲಿ: ಭಾರತ ಕ್ರಿಕೆಟ್ ತಂಡದ ಕೋಚ್ ರವಿ ಶಾಸ್ತ್ರಿ ಮುಂಬರುವ ವಿಶ್ವಕಪ್‌ ಏಕದಿನ ಕ್ರಿಕೆಟ್ ಕೂಟಕ್ಕೆ ತಂಡವನ್ನು ಅಣಿಗೊಳಿಸುವ ಕಾರ್ಯದಲ್ಲಿ ನಿರತರಾಗಿದ್ದಾರೆ. ಈ ಬ್ಯುಸಿ ವೇಳಾಪಟ್ಟಿಯ ನಡುವೆಯೂ ಅವರು ವಿಶ್ವ ಅಮ್ಮಂದಿರ ದಿನ ತಮ್ಮ ಅಮ್ಮನನ್ನು ನೆನಪಿಸಿಕೊಂಡಿದ್ದಾರೆ.

ಮಾತ್ರವಲ್ಲ ಸಾಮಾಜಿಕ ಜಾಲತಾಣದಲ್ಲಿ ಅಮ್ಮನೊಂದಿಗೆ ತಾವು ನಿಂತಿರುವ ಫೋಟೊವೊಂದನ್ನು ಪ್ರಕಟಿಸಿದ್ದಾರೆ. ‘ವಿಶ್ವ ಅಮ್ಮಂದಿರ ಶುಭಾಶಯಗಳು ಅಮ್ಮ.. ನೀನು ನನ್ನನ್ನು ಹೆಚ್ಚು ಟೀಕಿಸುತ್ತಿದ್ದಿ. ಯಾವುದೇ ಕಲಸ ಮಾಡಿದರೂ ಅದನ್ನು ಇನ್ನೂ ಚೆನ್ನಾಗಿ ಮಾಡಬಹುದಿತ್ತಲ್ಲ ಎಂದು ಸಲಹೆ ನೀಡುತ್ತಿದ್ದಿ. ನಿನ್ನನ್ನು ಸಾಧನೆಗಳಿಂದ ಸಂತೃಪ್ತಿಗೊಳಿಸುವುದು ನನಗೆ ದೊಡ್ಡ ಸವಾಲಿನ ಕೆಲಸವಾಗಿತ್ತು ಎಂದು ರವಿಶಾಸ್ತ್ರಿ ನೆನಪಿಸಿಕೊಂಡಿದ್ದಾರೆ.