ಎಂಎಸ್‌ಎಂಇ ಪುನಶ್ಚೇತನ: ನೆರವಿಗೆ ವಿಶ್ವಬ್ಯಾಂಕ್‌ ಅಸ್ತು

ಹೊಸದಿಲ್ಲಿ: ಕೊರೊನಾ ಲಾಕ್‌ಡೌನ್‌ನಿಂದ ಭಾರೀ ಆಘಾತಕ್ಕೆ ಒಳಗಾಗಿರುವ ದೇಶದ ಕಿರು, ಸಣ್ಣ ಮತ್ತು ಮಧ್ಯಮ ಉದ್ಯಮ ಕ್ಷೇತ್ರ (ಎಂಎಸ್‌ಎಂಇ) ವನ್ನು ಪುನರುತ್ಥಾನಗೊಳಿಸಲು ಕೇಂದ್ರ ಸರಕಾರವು ಯೋಜನೆ ರೂಪಿಸಿದ್ದು, ಇದಕ್ಕೆ ಬೆಂಬಲವಾಗಿ 50 ಕೋಟಿ ಡಾಲರ್‌ಗಳ ನೆರವು ಒದಗಿಸುವ ಪ್ರಸ್ತಾವನೆಗೆ ವಿಶ್ವ ಬ್ಯಾಂಕ್‌ನ ನಿರ್ದೇಶಕರ ಮಂಡಳಿ ಅಂಗೀಕಾರ ನೀಡಿದೆ.

ಎಂಎಸ್‌ಎಂಇ ಚೇತರಿಕೆಗಾಗಿ ಸರಕಾರವು ಎಂಎಸ್‌ಎಂಇ ಕಾಂಪಿಟೀಟಿವ್‌ನೆಸ್‌- ಎ ಪೋಸ್ಟ್‌ ಕೋವಿಡ್‌ ರೆಸಿಲಿಯೆನ್ಸ್‌ ಆ್ಯಂಡ್‌ ರಿಕವರಿ ಪ್ರೊಗ್ರಾಮ್‌ (ಎಂಸಿಆರ್‌ಆರ್‌ಆರ್‌) ಎಂಬ 340 ಕೋಟಿ ಡಾಲರ್‌ಗಳ ಯೋಜನೆ ರೂಪಿಸಿದೆ.