Advertisement
ಧೋನಿ ನಾಯಕತ್ವದ ಝಾರ್ಖಂಡ್‌ ತಂಡ ಬೌಲಿಂಗ್‌, ಬ್ಯಾಟಿಂಗ್‌ನಲ್ಲಿ ಅಮೋಘ ನಿರ್ವಹಣೆ ನೀಡಿತು. ಪ್ರತ್ಯುಷ್‌ ಸಿಂಗ್‌ ಹೊರತುಪಡಿಸಿ ಉಳಿದ ಐವರು ಬೌಲರ್‌ಗಳು ನಿಖರ ದಾಳಿ ಸಂಘಟಿಸಿ ವಿಕೆಟ್‌ ಪಡೆಯಲು ಯಶಸ್ವಿಯಾದರು. ಇದರಿಂದಾಗಿ ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ನಡೆಸಿದ ವಿದರ್ಭ ತಂಡವು ಆರಂಭಿಕ ಆಘಾತ ಅನುಭವಿಸುವಂತಾಯಿತು. 18 ರನ್‌ ಗಳಿಸುವಷ್ಟರಲ್ಲಿ ತಂಡ ನಾಲ್ಕು ವಿಕೆಟ್‌ ಕಳೆದುಕೊಂಡು ಒದ್ದಾಡುತ್ತಿತ್ತು. ಗಣೇಶ್‌ ಸತೀಶ್‌, ರವಿ ಜಂಗಿದ್‌ ಮತ್ತು ರಜನೀಶ್‌ ಗುರ್ಬಾನಿ ಮಾತ್ರ ಎರಡಂಕೆಯ ಮೊತ್ತ ಗಳಿಸಿದರು. ಜಂಗಿದ್‌ ಮಾತ್ರ ಉತ್ತಮ ಹೋರಾಟ ನಡೆಸಿ 62 ರನ್‌ ಗಳಿಸಿದರು. ಈ ಮೂವರ ಬ್ಯಾಟಿಂಗ್‌ ಪ್ರಯತ್ನದಿಂದಾಗಿ ವಿದರ್ಭ 9 ವಿಕೆಟಿಗೆ 159 ರನ್‌ ಗಳಿಸಿತು.
ವಿದರ್ಭ 9 ವಿಕೆಟಿಗೆ 159 (ಗಣೇಶ್‌ ಸತೀಶ್‌ 35, ರವಿ ಜಂಗಿದ್‌ 62, ರಜನೀಶ್‌ ಗುರ್ಬಾನಿ 22, ಮೊನು ಕುಮಾರ್‌ 27ಕ್ಕೆ 2); ಝಾರ್ಖಂಡ್‌ 45.1 ಓವರ್‌ಗಳಲ್ಲಿ 4 ವಿಕೆಟಿಗೆ 165 (ಪ್ರತ್ಯುಷ್‌ ಸಿಂಗ್‌ 33, ಇಶಾನ್‌ ಕಿಶನ್‌ 35, ಇಶಾಂಕ್‌ ಜಗ್ಗಿ 41 ಔಟಾಗದೆ, ರವಿಕುಮಾರ್‌ ಠಾಕುರ್‌ 25ಕ್ಕೆ 2).