ಫಾರ್ಮ್ಹೌಸ್‌ನಲ್ಲಿ ಶ್ವಾನಗಳಿಗೆ ಧೋನಿ ತರಬೇತಿ

ನವದೆಹಲಿ: ಭಾರತ ತಂಡದ ಕ್ರಿಕೆಟಿಗ ಎಂ.ಎಸ್‌.ಧೋನಿ ಆಗಾಗ ತಮ್ಮು ಮುದ್ದು ಸಾಕು ಶ್ವಾನಗಳ ಜತೆಗಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸುತ್ತಾ ಇರುತ್ತಾರೆ. 

ಇದೀಗ ತಮ್ಮ ನೆಚ್ಚಿನ ಶ್ವಾನಗಳಿಗೆ ಫಾರ್ಮ್ ಹೌಸ್‌ನಲ್ಲಿ ತರಬೇತಿ ನೀಡುತ್ತಿರುವ ವಿಡಿಯೋ ಅಪ್‌ಲೋಡ್‌ ಮಾಡಿದ್ದು, ಭಾರೀ ವೈರಲ್‌ ಆಗಿದೆ. ಶ್ವಾನವನ್ನು ಹಿಡಿದುಕೊಂಡು ಆರ್ಮಿಯಲ್ಲಿ ನೀಡುವ ತರಬೇತಿ ರೀತಿಯಲ್ಲಿ ಧೋನಿ ತರಬೇತಿ ನೀಡುತ್ತಾರೆ. ಇದನ್ನು ನೋಡಿದ ಅಭಿಮಾನಿಗಳು ಭಾರೀ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ವಿಡಿಯೋ ಅಪ್‌ಲೋಡ್‌ ಆದ 24 ಗಂಟೆಯೊಳಗೆ 14 ಲಕ್ಷಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದಾರೆ.