Advertisement

“ಬರ್ತ್ ಡೇ ಬೇಬಿ”: ಇಂಗ್ಲೆಂಡ್ ನಲ್ಲೇ ಹುಟ್ಟು ಹಬ್ಬ ಆಚರಿಸಿದ ಮಾಹಿ

10:23 AM Jul 08, 2019 | keerthan |

ಲಂಡನ್: ಟೀಂ ಇಂಡಿಯಾ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಇಂದು ತಮ್ಮ 38ನೇ ಹುಟ್ಟುಹಬ್ಬವನ್ನು ಆಚರಿಸುತ್ತಿದ್ದಾರೆ. ಶನಿವಾರ ಶ್ರೀಲಂಕಾ ವಿರುದ್ಧ ಪಂದ್ಯ ಗೆದ್ದ ನಂತರ ಪತ್ನಿ ಸಾಕ್ಷಿ, ಮಗಳು ಝೀವಾ ಮತ್ತು ಕೆಲ ಸಹ ಕ್ರಿಕೆಟಿಗರ ಜೊತೆ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿದರು.

Advertisement

ಹಾರ್ದಿಕ್ ಪಾಂಡ್ಯಾ, ರಿಷಭ್ ಪಂತ್ ಮತ್ತು ಇತರ ಆಪ್ತರೊಂದಿಗೆ ಮಾಹಿ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಪಾಲ್ಗೊಂಡರು. ಧೋನಿ ಪತ್ನಿ ಸಾಕ್ಷಿ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಮಾಹಿಯ ಬರ್ತ್ ಡೇ ಖುಷಿಯ ಫೋಟೋ, ವಿಡಿಯೋಗಳನ್ನು ಅಪ್ಲೋಡ್ ಮಾಡಿದ್ದಾರೆ. ಮಗಳು ಝೀವಾ ಜೊತೆ ಧೋನಿ ಕೇಕ್ ಕಟ್ ಮಾಡುವ ವಿಡಿಯೋವನ್ನು ಸಾಕ್ಷಿ ಹಂಚಿಕೊಂಡಿದ್ದಾರೆ.


ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯಾ, ಮಾಹಿ ಜೊತೆಗಿನ ಹೆಲಿಕಾಪ್ಟರ್ ಶಾಟ್ ಆಡುವ ವಿಡಿಯೋವನ್ನು ಅಪ್ಲೋಡ್ ಮಾಡಿ,ಮಾಹಿ ಅಣ್ಣಾ, ನಿಮ್ಮ ಜೊತೆಗೆ ಕಳೆಯುವ ಪ್ರತಿಯೊಂದು ಕ್ಷಣವೂ ನನಗೆ ಏನಾದರೂ ಒಂದು ಕಲಿಯಲು ಸಿಗುತ್ತದೆ. ನನ್ನ ಬದುಕಿನ ಅತೀ ದೊಡ್ಡ ರೋಲ್ ಮಾಡೆಲ್ ನೀವು. ಹ್ಯಾಪಿ ಬರ್ತ್ ಡೇ ಎಂದು ಬರೆದಿದ್ದಾರೆ.

ಭಾರತ ತಂಡದಲ್ಲಿ ಧೋನಿ ಉತ್ತಾರಧಿಕಾರಿ ಎಂದೇ ಬಿಂಬಿಸಲ್ಪಟ್ಟಿರುವ ರಿಷಭ್ ಪಂತ್ ಕೂಡಾ ಮಾಹಿಗೆ ವಿಶ್ ಮಾಡಿದ್ದು, ಹ್ಯಾಪಿ ಬರ್ತ್ಡೇ ಮಾಹಿ ಅಣ್ಣ, ನನ್ನ ಸಲಹೆಗಾರನಾಗಿ, ಅಣ್ಣನಾಗಿ ಯಾವತ್ತಿಗೂ ನನ್ನೊಂದಿಗೆ ಇರುವುದಕ್ಕೆ ತುಂಬಾ ಧನ್ಯವಾದಗಳು ಎಂದು ಪೋಸ್ಟ್ ಮಾಡಿದ್ದಾರೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next