ಎಂಪಿಎಂ ಕಾಲೇಜು: ಮತದಾರರ ಪಟ್ಟಿ ಪರಿಶೀಲನೆ

ಕಾರ್ಕಳ: ಮತದಾರರ ವಿಶೇಷ ಸಂಕ್ಷಿಪ್ತ ಪರಿಷ್ಕರಣೆ-2020 ರ ಅಂಗವಾಗಿ ಮಂಜುನಾಥ ಪೈ ಸ್ಮಾರಕ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಗುರುವಾರರಂದು ಮತದಾರರ ಪಟ್ಟಿ ಪರಿಶೀಲನ ಕಾರ್ಯಕ್ರಮ ನಡೆಯಿತು.

ವಿದ್ಯಾರ್ಥಿಗಳ ಹೆಸರು ನೋಂದಣಿ, ಹೆಸರು/ವಿಳಾಸದಲ್ಲಿ ತಿದ್ದುಪಡಿ, ವೋಟರ್‌ ಹೆಲ್ಪ್ಲೈನ್‌, ಮೊಬೈಲ್‌ ಆ್ಯಪ್‌ ಹಾಗೂ ಎನ್‌ವಿಎಸ್‌ಪಿ ಪೋರ್ಟಲ್‌ಗ‌ಳ ಮೂಲಕ ಪರಿಶೀಲನೆ ನಡೆಸುವ ವಿಧಾನವನ್ನು ಅಸೆಂಬ್ಲಿ ಲೆವೆಲ್‌ ಮಾಸ್ಟರ್‌ ಟ್ರೆçನರ್‌ ಕೃಷ್ಣಮೂರ್ತಿ ವೈದ್ಯ ತಿಳಿಸಿಕೊಟ್ಟರು.

ಪ್ರಾಂಶುಪಾಲ ಶ್ರೀವರ್ಮ ಅಜ್ರಿ ಎಂ. ಅಧ್ಯಕ್ಷತೆ ವಹಿಸಿದ್ದರು. ಕಾರ್ಕಳ ಕಸಬಾ ಗ್ರಾಮ ಲೆಕ್ಕಾಧಿಕಾರಿ ಶಿವಪ್ರಸಾದ್‌, ತಾಲೂಕು ಕಚೇರಿಯ ಚುನಾವಣಾ ವಿಭಾಗದ ಸುಪ್ರಿಯಾ, ಗ್ರಂಥಪಾಲಕ ವೆಂಕಟೇಶ, ಸಹ ಪ್ರಾಧ್ಯಾಪಕ ಮಂಜುನಾಥ್‌ ಮತ್ತಿತ‌ರರು ಉಪಸ್ಥಿತರಿದ್ದರು.ವಿದ್ಯಾರ್ಥಿ ನಾಯಕಿ ಶಬರಿ ಸ್ವಾಗತಿಸಿದರು. ಕಾರ್ಯದರ್ಶಿ ಅಶ್ವಿ‌ತಾ ನಿರ್ವಹಿಸಿ, ವಂದಿಸಿದರು.