ಅಮೆರಿಕಾ ಶಾಲಾ ಬಸ್ ಸ್ಫೋಟ ಬೆದರಿಕೆ: ಖಾಂಡ್ವಾದಲ್ಲಿ ಇಂಜಿನಿಯರ್ ಬಂಧನ

ಭೂಪಾಲ್ : ಅಮೆರಿಕಾದಲ್ಲಿ ಶಾಲಾ ಬಸ್ ಅನ್ನು ಸ್ಫೋಟಿಸುವುದಾಗಿ ಬೆದರಿಕೆ ಹಾಕಿದ್ದಕ್ಕಾಗಿ ಇಂಜಿನಿಯರ್ ಒಬ್ಬನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಭಾನುವಾರ ತಿಳಿಸಿದ್ದಾರೆ.

ಮಧ್ಯಪ್ರದೇಶದ ಖಾಂಡ್ವಾದಲ್ಲಿ ನೆಲೆಸಿರುವ ಇಂಜಿನಿಯರ್ ಯುವಕ ಅಮೆರಿಕದ ಶಾಲೆಯನ್ನು ಸ್ಫೋಟಿಸುವುದಾಗಿ ಬೆದರಿಕೆ ಹಾಕಿದ್ದಾನೆ. ಭೋಪಾಲ್‌ನ ಅಪರಾಧ ವಿಭಾಗವು ಖಾಂಡ್ವಾ ಪೊಲೀಸರಿಗೆ ಎರಡು ದಿನಗಳ ಹಿಂದೆ ಎಚ್ಚರಿಕೆ ನೀಡಿತ್ತು. ಪೊಲೀಸರು ಇಂಜಿನಿಯರ್ ನನ್ನು ಬಂಧಿಸಿದ್ದಾರೆ. ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ನಲ್ಲಿ ಅಂತಾರಾಷ್ಟ್ರೀಯ ಗುಂಪಿಗೆ ಆರೋಪಿ ಬೆದರಿಕೆ ಸಂದೇಶಗಳನ್ನು ಕಳುಹಿಸಿದ್ದ ಎಂದು ಮುಖ್ಯ ಪೊಲೀಸ್ ವರಿಷ್ಠಾಧಿಕಾರಿ ಪೂನಂಚಂದ್ ಯಾದವ್ ಹೇಳಿದ್ದಾರೆ. ಆರೋಪಿಯು ಖಾಂಡ್ವಾದ ಮಹಾದೇವಿ ನಗರದ ನಿವಾಸಿಯಾಗಿದ್ದಾನೆ.

ವಿಷಯ ವರದಿಯಾದ ನಂತರ ದೆಹಲಿಯಿಂದ ಖಾಂಡ್ವಾದವರೆಗೆ ಪೊಲೀಸರು ಮತ್ತು ಭದ್ರತಾ ಏಜೆನ್ಸಿಗಳು ಅಲರ್ಟ್ ಮೋಡ್‌ಗೆ ಬಂದಿದ್ದು. ಈ ಬಗ್ಗೆ ಹೆಚ್ಚಿನ ತನಿಖೆ ನಡೆಯುತ್ತಿದೆ.