ವೇದಿಕೆ ಮೆಟ್ಟಲಿಳಿಯುವಾಗ ಜಾರಿ ಬಿದ್ದ ಮಧ್ಯಪ್ರದೇಶ ಸಿಎಂ ಚೌಹಾಣ್‌

ಭೋಪಾಲ್‌ : ಮಧ್ಯ ಪ್ರದೇಶ ಬಿಜೆಪಿಯ ಅತ್ಯಂತ ಜನಪ್ರಿಯ ಮುಖ್ಯಮಂತ್ರಿ ಶಿವರಾಜ್‌ ಸಿಂಗ್‌ ಚೌಹಾಣ್‌ ಅವರು ಛತ್ತರ್‌ಪುರ ದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಭಾಷಣ ಮಾಡಿ ವೇದಿಕೆಯಿಂದ ಕೆಳಗಿಳಿಯುವಾಗ ಮೆಟ್ಟಲಿನಿಂದ ಆಯತಪ್ಪಿ ಕೆಳಬಿದ್ದ ಘಟನೆ ನಡೆದಿದೆ. 
 
ಮೆಟ್ಟಲಿನಿಂದ ಕೆಳ ಬಿದ್ದ ಹೊರತಾಗಿಯೂ ಶಿವರಾಜ್‌ ಸಿಂಗ್‌ ಚೌಹಾಣ್‌ ಅವರಿಗೆ ಯಾವುದೇ ಗಾಯಗಳಾಗಿಲ್ಲ ಎಂದು ಸಂಘಟಕರು ತಿಳಿಸಿದ್ದಾರೆ.

ರಾಜ್ಯದ ಬುಂದೇಲ್‌ಖಂಡ್‌ ಪ್ರದೇಶದಲ್ಲಿ ಜನ ಆಶೀರ್ವಾದ ಯಾತ್ರೆಯ ಎರಡನೇ ದಿನ ಸಿಎಂ ಚೌಹಾಣ್‌ ಅವರು ಪನ್ನಾದಿಂದ ಛತ್ತರ್‌ಪುರಕ್ಕೆ ಆಗಮಿಸಿದ್ದರು.