ಧೋನಿಗೆ ನೀರು ನೀಡಿ ಉಪಚರಿಸಿದ ಮಗಳು 

ನವದೆಹಲಿ: ಭಾನುವಾರ ವಿರಾಟ್‌ ಕೊಹ್ಲಿ ನೇತೃತ್ವದ ಆಲ್‌ ಹಾರ್ಟ್ಸ್ 7-3 ಗೋಲುಗಳಿಂದ ರಣಬೀರ್‌ ಕಪೂರ್‌ ನೇತೃತ್ವದ ಆಲ್‌ ಸ್ಟಾರ್ ತಂಡವನ್ನು ಸೋಲಿಸಿತ್ತು.

ಈ ಪಂದ್ಯ ಮುಗಿದ ಬಳಿಕ ಧೋನಿ ಒಂದು ಕಡೆ ಸುಸ್ತಾಗಿ ನಿಂತಿದ್ದರು. ಈ ಸಂದರ್ಭದಲ್ಲಿ ನೀರಿನ ಬಾಟಲಿಯೊಂದನ್ನು ಹಿಡಿದುಕೊಂಡು ಪುಟ್ಟ..ಪುಟ್ಟ ಹೆಜ್ಜೆ ಇಡುತ್ತಾ ಧೋನಿ ಬಳಿಗೆ ಬಂದ ಅವರ ಮಗಳು ಜೀವಾ ನೀರು ನೀಡಿ ಉಪಚರಿಸಿದ್ದಾಳೆ. ದಣಿವಾರಿಸಿಕೊಳ್ಳಲು ಸಹಾಯ ಮಾಡಿದ್ದಾಳೆ. ಈ ವಿಡಿಯೋ, ಫೋಟೋಗಳು ಈಗ ಎಲ್ಲೆಡೆ ವೈರಲ್‌ ಆಗಿದೆ. ಸ್ವತಃ ಭಾರತ ತಂಡದ ನಾಯಕ  ವಿರಾಟ್‌ ಕೊಹ್ಲಿ ಟ್ವೀಟರ್‌ನಲ್ಲಿ ಈ ಫೋಟೋವನ್ನು ಪ್ರಕಟಿಸಿದ್ದಾರೆ. ತಾನು ನೋಡಿದ ಅದ್ಭುತ ಚಿತ್ರ ಎಂದು ಬರೆದಿದ್ದಾರೆ.