ನಟ ನೀನಾಸಂ ಸತೀಶ್‌ ತಾಯಿಯ ಅಂತ್ಯಸಂಸ್ಕಾರ

ಭಾರತೀನಗರ: ಸ್ಯಾಂಡಲ್‌ವುಡ್‌ ನಟ ನೀನಾಸಂ ಸತೀಶ್‌ ಅವರ ಮಾತೃಶ್ರೀ ಚಿಕ್ಕತಾಯಮ್ಮ ಅವರು ಬೆಂಗಳೂರಿನಲ್ಲಿ ಶುಕ್ರವಾರ ಅನಾರೋಗ್ಯದಿಂದ ನಿಧನಗೊಂಡಿದ್ದರು. ನೀನಾಸಂ ಸತೀಶ್‌ ಅವರ ಹುಟ್ಟೂರಾದ ಮದ್ದೂರು ತಾಲೂಕು ಯಲಾದ ಹಳ್ಳಿ ಗ್ರಾಮಕ್ಕೆ ಮೃತದೇಹ ತಂದು ಗ್ರಾಮದಲ್ಲಿ ಹಿಂದೂ ಸಂಪ್ರದಾಯದಂತೆ ವಿಧಿವಿಧಾನ ಪೂರೈಸಿ ಪೂಜೆ ಸಲ್ಲಿಸಿ ನಂತರ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಸಿ ಅಂತ್ಯ ಸಂಸ್ಕಾರ ನೆರವೇರಿಸಲಾಯಿತು.

ಈ ಸಂದರ್ಭದಲ್ಲಿ ಶಾಸಕ ಡಿ.ಸಿ.ತಮ್ಮಣ್ಣ, ಚಲನಚಿತ್ರ ನಟರು, ಕಿರುತರೆ ನಟ-ನಟಿಯರು, ಗ್ರಾಮದ ಮುಖಂಡರು, ಯಜಮಾನರು ಅಂತಿಮ ದರ್ಶನ ಪಡೆದರು.