Moodabidri ಹೊಸಬೆಟ್ಟು: ಈಜುಕೊಳಕ್ಕೆ ಧುಮುಕಿದ ಯುವಕ ಸಾವು

ಮೂಡುಬಿದಿರೆ: ಹೊಸಬೆಟ್ಟು ಗ್ರಾ.ಪಂ. ವ್ಯಾಪ್ತಿಯ ಬೊಗ್ರುಗುಡ್ಡೆ ಬಳಿಯ ಹೋಂ ಸ್ಟೇಯ ಈಜುಕೊಳದಲ್ಲಿ ಡೈ ಹೊಡೆದ ಮಂಜೇಶ್ವರದ ಪುನೀತ್‌ ಕೃಷ್ಣ ಮೂಲ್ಯ (29) ತಲೆಗೆ ಬಿದ್ದ ಏಟಿನಿಂದಾಗಿ ಸಾವನ್ನಪ್ಪಿದ ಘಟನೆ ಶನಿವಾರ ರಾತ್ರಿ ನಡೆದಿದೆ.

ಕೆಲವರು ಸಹೋದರ ಸಂಬಂಧಿಗಳು ಈ ಹೋಂ ಸ್ಟೇಗೆ ಬಂದಿದ್ದರು. ಅದರಲ್ಲಿ ಒಂದೇ ಕುಟುಂಬದ ಮೂವರು ಸಹೋದರರು ಇದ್ದರು. ಅವರಲ್ಲಿ ಎರಡನೆಯ ಯುವಕ ಈಜುತ್ತಿರುವ ಸಂದರ್ಭದಲ್ಲಿ ನೀರಿಗೆ ಡೈ ಹೊಡೆದಾಗ ಆಯತಪ್ಪಿ ಯುವಕನ ತಲೆ ನೆಲಕ್ಕೆ ಬಡಿಯಿತೆನ್ನಲಾಗಿದೆ. ಮೂಡುಬಿದಿರೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.