ಕಾಪು: ಗಾಯಗೊಂಡು ರಾತ್ರೋ ರಾತ್ರಿ ಮನೆಯೊಳಗೆ ಪ್ರತ್ಯಕ್ಷವಾದ ಕೋತಿ

ಕಾಪು : ಇಲ್ಲಿನ ಚಂದ್ರನಗರ ಶ್ರೀರಾಮ ಭಜನಾ ಮಂದಿರದ ಬಳಿಯ ವಸಂತಿ ರಾವ್ ಎಂಬವರ ಮನೆಯೊಳಗಡೆ ಆದಿತ್ಯವಾರ ತಡರಾತ್ರಿ ಸುಮಾರು 11:30 ರ ವೇಳೆಗೆ ಇದ್ದಕ್ಕಿದಂತೆ ಗಾಯಗೊಂಡಿದ್ದ ಕೋತಿಯೊಂದು ಪ್ರತ್ಯಕ್ಷವಾಗಿತ್ತು,

ಎಷ್ಟೇ ಪ್ರಯತ್ನ ಪಟ್ಟರೂ ಕೋತಿಯು ಮನೆಯಿಂದ ಹೊರಗಡೆ ಹೋಗಲಿಲ್ಲ, ಕೊನೆಗೆ ಮನೆಯವರು ಸಮಾಜ ಸೇವಕ ಪ್ರಾಣಿ ಪಕ್ಷಿ ಪ್ರೇಮಿ ಪ್ರಶಾಂತ್ ಪೂಜಾರಿಯವರಿಗೆ ಕರೆಮಾಡಿದ್ದಾರೆ, ತಕ್ಷಣ ಸ್ಪಂದಿಸಿದ ಪ್ರಶಾಂತ್ ಪೂಜಾರಿ ಮತ್ತು ಶಿವಾನಂದ ಪೂಜಾರಿ ಹರಸಾಹಸ ಪಟ್ಟು ಕೋತಿಯನ್ನು ಹಿಡಿದು ಅವರ ಮನೆಯ ಗೂಡಿನಲ್ಲಿ ರಕ್ಷಣೆ ಮಾಡಿ ಬಳಿಕ ಅರಣ್ಯ ಇಲಾಖೆಗೆ ಒಪ್ಪಿಸುವಲ್ಲಿದ್ದರು, ಆದರೆ ಬೆಳಗಾಗುವುದರೊಳಗೆ ಗಾಯಗೊಂಡಿದ್ದ ಕೋತಿ ಗೂಡಿನಿಂದ ತಪ್ಪಿಸಿಕೊಂಡು ಪರಾರಿಯಾಗಿತ್ತು.

ಪ್ರಶಾಂತ್ ಪೂಜಾರಿ ಮತ್ತವರ ತಂಡದ ಕಾರ್ಯಕ್ಕೆ ಮನೆಯವರು ಧನ್ಯವಾದಗಳನ್ನು ತಿಳಿಸಿದರು.