ಮುಂಬಯಿ: ಭಾರತ ಮೂಲದ ನಟ ದೇವ್ ಪಟೇಕಲ್‌ ಅಭಿನಯದ ʼಮಂಕಿ ಮ್ಯಾನ್ʼ ಸಿನಿಮಾದ ಟ್ರೇಡಿಂಗ್‌ ನಲ್ಲಿದೆ. ಸಿನಿಮಾ ಭಾರತದಲ್ಲಿ ಸಿನಿಮಾ ಬಿಡುಗಡೆ ವಿಳಂಬವಾದ ಕಾರಣ ಅನೇಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಟ್ರೇಲರ್‌ ನಿಂದ ಸದ್ದು ಮಾಡಿರುವ ʼಮಂಕಿ ಮ್ಯಾನ್ʼ ಈಗಾಗಲೇ ವಿದೇಶದಲ್ಲಿ ರಿಲೀಸ್‌ ಆಗಿದೆ. ಆದರೆ ಭಾರತದಲ್ಲಿ ಸಿನಿಮಾ ರಿಲೀಸ್‌ ಗೆ ಮತ್ತಷ್ಟು ವಿಳಂಬ ಉಂಟಾಗಿದೆ. ಭಾರತೀಯ ಸೆನ್ಸಾರ್ ಮಂಡಳಿಯ ಸಿನಿಮಾ ರಿಲೀಸ್‌ ಗೆ ವಿಳಂಬ ಮಾಡುತ್ತಿದೆ.
ಸಿನಿಮಾದಲ್ಲಿ ಅತಿಯಾದ ಹಿಂಸಾಚಾರ ಮತ್ತು ಇದು ಭಾರತೀಯರ ಧಾರ್ಮಿಕ ಭಾವನೆಗಳನ್ನು ಘಾಸಿಗೊಳಿಸಬಹುದೆನ್ನುವ ಕಾರಣದಿಂದ ಹಾಗೂ ಪ್ರಸ್ತುತ ದೇಶದಲ್ಲಿ ಚುನಾವಣೆ ನಡೆಯಲಿರುವುದರಿಂದ ಸಿನಿಮಾ ಸದ್ಯಕ್ಕೆ ಬಿಡುಗಡೆ ಆಗುವುದು ಅನುಮಾನ ಎನ್ನಲಾಗುತ್ತಿದೆ.
ಸಿನಿಮಾದಲ್ಲಿನ ನಾಯಕ ಹನುಮಂತನಿಂದ ಸ್ಪೂರ್ತಿ ಪಡೆಯುವ ಕಥೆಯನ್ನು ಹೇಳಲಾಗಿದೆ. ಇದರಲ್ಲಿ ರಾಜಕೀಯ ವಿಷಯಗಳು ಕೂಡ ಇರುವುದರಿಂದ ಸಿನಿಮಾ ಭಾರತದಲ್ಲಿ ರಿಲೀಸ್‌ ಗೆ ಇದು ಅಡ್ಡಿ ಆಗಿದೆ ಎನ್ನಲಾಗುತ್ತಿದೆ.
ಆದರೆ ʼಮಂಕಿ ಮ್ಯಾನ್ʼ ಈಗಾಗಲೇ ರಿಲೀಸ್‌ ಆಗಿರುವುದರಿಂದ ಪೈರೇಟೆಡ್ ಕಾಪಿ ಲೀಕ್ ಆಗಿದೆ. ಸಿನಿಮಾದ ಹೆಚ್‌ ಡಿ ಕಾಪಿ ಟೊರೆಂಟ್ ನಲ್ಲಿ ಲೀಕ್ ಆಗಿದ್ದು, ಕೆಲ ಜನರು ಸಿನಿಮಾವನ್ನು ಇಲ್ಲಿ ನೋಡಿ ವಿಮರ್ಶೆಯನ್ನು ಬರೆಯುತ್ತಿರುವುದು ಚಿತ್ರತಂಡಕ್ಕೆ ಹಿನ್ನೆಡೆ ಆದಂತಾಗಿದೆ.
ಏಪ್ರಿಲ್‌ 5 ರಂದು ʼಮಂಕಿ ಮ್ಯಾನ್ʼ ಯುಎಸ್‌, ಯುಕೆ, ಕೆನಡಾ ಮತ್ತು ಐರ್ಲೆಂಡ್ ನಲ್ಲಿ ರಿಲೀಸ್‌ ಆಗಿದೆ. ಭಾರತದಲ್ಲಿ ನೆಟ್‌ ಫ್ಲಿಕ್ಸ್‌ ನಲ್ಲಿ ಸಿನಿಮಾ ಸ್ಟ್ರೀಮ್‌ ಆಗುವುದಾಗಿ ಹೇಳಲಾಗಿತ್ತು. ಆದರೆ ವಿವಾದತ್ಮಕ ವಿಷಯ ಇರುವುದರಿಂದ ಅಂತಿಮ ಕ್ಷಣದಲ್ಲಿ ನೆಟ್‌ ಫ್ಲಿಕ್ಸ್‌ ಹಿಂದೇಟು ಹಾಕಿದೆ.
ಆನ್ಲೈನ್‌ ನಲ್ಲಿ ಸಿನಿಮಾದ ಕಾಪಿ ಲೀಕ್ ಆಗಿರುವುದರಿಂದ ಭಾರತದಲ್ಲಿನ ಸಿನಿಮಾ ರಿಲೀಸ್‌ ಆದರೆ ಬಾಕ್ಸ್‌ ಆಫೀಸ್‌ ನಲ್ಲಿ ಹೊಡೆತ ಬೀಳುವ ಸಾಧ್ಯತೆಯಿದೆ.
ಸಿನಿಮಾದಲ್ಲಿ ದೇವ್ ಪಟೇಲ್, ಸೋಭಿತಾ ಧೂಳಿಪಾಲ ಪ್ರಮುಖವಾಗಿ ನಟಿಸಿದ್ದಾರೆ.
